പുതിയ വിമാനക്കമ്പനികളെ ഇരുകൈയ്യും നീട്ടിയാണ് പ്രവാസികൾ സ്വീകരിക്കുന്നത്. അതുപോലെ പ്രവാസികളെല്ലാവരും വളരെയധികം ആകാംക്ഷയോടെ കാത്തിരിക്കുന്ന ഒന്നാണ് സൗദിയുടെ പുതിയ വിമാനകമ്പനി റിയാദ് എയർ. ലോക രാജ്യങ്ങളെ പോലും അതിശയിപ്പിച്ചായിരുന്നു സൗദി കിരീടാവകാശിയും പ്രധാനമന്ത്രിയുമായ മുഹമ്മദ് ബിൻ സൽമാൻ രാജകുമാരൻ റിയാദ് എയർ എന്ന പേരിൽ പുതിയ വിമാനക്കമ്പനിയും പ്രഖ്യാപിച്ചത്. പ്രതീക്ഷ കൈവെടിയാതെ കാത്തിരുന്നോളൂ. റിയാദ് എയർ’ തങ്ങളുടെ രണ്ടാമത്തെ ഡിസൈൻ പുറത്തുവിട്ടു. പുതിയ പാറ്റേൺ ആണ് പുറത്തുവിട്ടിരിക്കുന്നത്.

ദുബായ് എയർ ഷോയിലാണ് പുതിയ ഡിസൈൻ അവതരിപ്പിച്ചിരിക്കുന്നത്. രണ്ടുതരം കളർ ഡിസൈനുകളിൽ ആണ് വിമാനങ്ങൾ ഇറക്കുന്നത്. ഇങ്ങനെ വിമാനം ഇറക്കുന്ന ആദ്യത്തെ അന്താരാഷ്ട്ര വിമാന കമ്പനിയാണ് റിയാദ് എയർ എന്ന് അധികൃതർ വ്യക്തമാക്കി. രണ്ട് ഡിസൈനുകളുള്ള ആദ്യ വിമാന കമ്പനിയാകാനാണ് റിയാദ് എയർ ലക്ഷ്യം വെക്കുന്നതെന്ന് സി.ഇ.ഒ ടോണി ഡഗ്ലസ് പറഞ്ഞു. റിയാദ് എയർ കൂടുതൽ നാരോ ബോഡി വിമാനങ്ങൾ വാങ്ങാൻ തീരുമാനിച്ചിട്ടുണ്ട്. നാരോ ബോഡി വിമാനങ്ങൾ വാങ്ങുന്നതിനുള്ള ഓർഡർ നൽകുന്നതുമായി ബന്ധപ്പെട്ട ചർച്ചകൾ ഇപ്പോൾ നടക്കുന്നുണ്ട്.

ആദ്യ ഡിസൈനിലുള്ള വിമാനങ്ങൾ അവതരിപ്പിച്ച് മാസങ്ങൾക്ക് ശേഷം ആണ് പുതിയ വിമാനങ്ങളുടെ ഡിസെെൻ പുറത്തിറക്കിയിരിക്കുന്നത്.
ദുബായ് എയർ ഷോയിലാണ് അവതരിപ്പിരിക്കുന്നത്. രാജ്യത്തിന്റെ ചരിത്രത്തെയും പൈതൃകത്തെയും കാണിക്കുന്ന തരത്തിലാണ് ഡിസൈനുകൾ ഒരുക്കിയിരിക്കുന്നത്. മരുഭൂമിയിലെ ചില കാര്യങ്ങൾ ഇതിൽ ഉൾപ്പെടുത്തിയിട്ടുണ്ട്. മരുഭൂമിയിൽ കാണുന്ന കൂടാരങ്ങളുടെ ആകൃതിയും അറബി കാലിഗ്രഫി ഒരുക്കിയാണ് രണ്ടാമത്തെ ഡിസൈൻ ഒരുക്കിയിരിക്കുന്നത്.

കോക്ക്പിറ്റ് വിൻഡോകൾക്ക് വേണ്ടിയുള്ള വലിയ തരത്തിലുള്ള ഒരുക്കത്തിലാണ് ഡിസെെൻ ഒരുക്കിയിരിക്കുന്നത്. വിമാനത്തിന്റെ ബോഡി സിൽവർ, ലാവൻഡർ കളറിൽ ആണ് ഒരുക്കിയിരിക്കുന്നത്. ആദ്യ പുറത്തിറങ്ങിയ വിമാനങ്ങൾക്ക് ലാവൻഡർ നിറം മാത്രമാണ് നൽകിയിരുന്നത്. എന്നാൽ ഇപ്പോൾ പുറത്തിറക്കിയ വിമാനങ്ങൾക്ക് രണ്ട് നിറങ്ങൾ കലർത്തിയാണ് നൽകിയിരിക്കുന്നത്. ഇക്കഴിഞ്ഞ ജൂണിൽ പാരിസ് എയർ ഷോയിലാണ് ആദ്യത്തെ ഡിസൈൻ പുറത്തിറക്കിയത്.

സൗദി അറേബ്യയുടെ പൂർണ ഉടമസ്ഥതയിലാണ് കമ്പനി. പബ്ലിക് ഇൻവെസ്റ്റ്മെൻറ് ഫണ്ടിന് കീഴിലാണ് പുതിയ കമ്പനി സ്ഥാപിച്ചിരിക്കുന്നത്. 2025ൽ വിമാനത്തിന്റെ സർവീസ് ആരംഭിക്കാൻ ആണ് തീരുമാനിച്ചിരിക്കുന്നത്. 2030-ഓടെ ലോകമെമ്പാടുമുള്ള 100-ലധികം കേന്ദ്രങ്ങളിലേക്ക് റിയാദ് എയർ യാത്രക്കാരെ എത്തിക്കും.

അവരുടെ യാത്ര മെച്ചപ്പെടുത്താനും റിയാദ് എയർ ലക്ഷ്യമിടുന്നു. ലോകമെമ്പാടുമുള്ള വ്യോമഗതാഗത മേഖലയ്ക്ക് സൗദിയുടെ പുതിയ സർവീസ് മുതൽ കൂട്ടായിരിക്കും. പുതിയ സവിശേഷതകളോടെയാണ് റിയാദ് എയർ പുറത്തിറങ്ങുന്നത്. സൗദിയില പുതിയ വ്യോമയാന പ്രവർത്തനങ്ങൾക്ക് റിയാദ് എയർ വലിയ മുതൽ കൂട്ടായിരിക്കും എന്നാണ് വിലയിരുത്തുന്നത്.