ഭാഗ്യം പരീക്ഷിക്കുന്ന പ്രവാസികൾക്ക് ഇപ്പോൾ നല്ല കാലം ആണെന്ന് തോന്നുന്നു. മലയാളിക്ക് ലക്ഷങ്ങൾ കിട്ടി,കോടികൾ കിട്ടി എന്നുള്ള വാർത്തയാണ് അടുത്തിടെയായി വന്നുകൊണ്ടിരിക്കുന്നത്. ഇന്നലെ ഒരു മലയാളിക്ക് 45 കോടിയാണ് സമ്മാനം ലഭിച്ചതെങ്കിൽ ഇന്ന് ലക്ഷങ്ങളാണ് കിട്ടിയിരിക്കുന്നത്. എമിറേറ്റ്‌സ് നറുക്കെടുപ്പില്‍ പ്രവാസി മലയാളി 50,000 ദിര്‍ഹത്തിന്റെ (11,32,926 രൂപ) സമ്മാനത്തിന് അര്‍ഹനായി. ദുബായില്‍ സ്ഥിരതാമസമാക്കിയ 36 കാരനായ ശരത് ശിവദാസന്‍ ആണ് ഫാസ്റ്റ്-5 എമിറേറ്റ്‌സ് ഡ്രോയില്‍ വിജയിച്ചത്.എമിറേറ്റ്‌സ് നറുക്കെടുപ്പില്‍ പ്രവാസി മലയാളി 50,000 ദിര്‍ഹം (11,32,926 രൂപ) സമ്മാനമായി ലഭിച്ചത്.

ദുബായില്‍ സ്ഥിരതാമസമാക്കിയ 36 കാരനായ ശരത് ശിവദാസന്‍ ആണ് ഫാസ്റ്റ്-5 എമിറേറ്റ്‌സ് ഡ്രോയില്‍ വിജയിച്ചത്.സമൂഹമാധ്യമങ്ങളില്‍ നിന്നാണ് എമിറേറ്റ്‌സ് ഡ്രോയെ കുറിച്ച് ആദ്യമായി ശരത് മനസിലാക്കുന്നത്. സ്‌ക്രീനിലെ അക്കങ്ങള്‍ നോക്കി തന്നോട് സംസാരിക്കുന്നവ തിരഞ്ഞെടുക്കുകയാണ് തന്റെ രീതിയെന്നും ശരത് പറയുന്നത്. വിജയത്തെക്കുറിച്ച് ആദ്യം അറിഞ്ഞത് ശരതിന്റെ ഭാര്യയാണ്. തത്സമയ നറുക്കെടുപ്പ് ഫലപ്രഖ്യാപന സമയത്ത് അദ്ദേഹത്തിന്റെ ഇ-മെയില്‍ പരിശോധിച്ചത് ഭാര്യയായിരുന്നു. ആദ്യം വിശ്വസിക്കാനായില്ലെന്നും തത്സമയ സ്ട്രീമും ആപ്പും വീണ്ടും നോക്കിയാണ് വിജയം ഉറപ്പാക്കിയതെന്നും ശരത് പറഞ്ഞു. ബ്രസീലില്‍ നിന്നുള്ള കാമില ഡി കാസ്‌ട്രോ, ലെബനാനില്‍ നിന്നുള്ള മുഹമ്മദ് ബാസല്‍ എന്നിവരാണ് ഇതേ സമ്മാനം നേടിയ മറ്റു രണ്ടു പേര്‍. ആദ്യമായാണ് ഈ രണ്ടു രാജ്യങ്ങളില്‍ നിന്നുള്ളവര്‍ക്ക് ഈ സമ്മാനം ലഭിക്കുന്നത്.

അതുപോലെ ദുബായ് മഹ്‌സൂസ് നറുക്കെടുപ്പില്‍ 20 മില്യണ്‍ ദിര്‍ഹം സ്വന്തമാക്കിയത് ഒരു മലയാളി ആണ്. ഫുജൈറയിലെ ഓയില്‍ ആന്‍ഡ് ഗ്യാസ് വ്യവസായ സ്ഥാപനത്തില്‍ കണ്‍ട്രോള്‍ റൂം ഓപറേറ്ററായ ശ്രീജുവാണ് മഹ്‌സൂസിന്റെ 154ാമത് പ്രതിവാര നറുക്കെടുപ്പിൽ കോടീശ്വരമായത്. ആറ് നമ്പറുകളില്‍ അഞ്ചെണ്ണം ഒത്തുവന്നതോടെയാണ് സമ്മാനം. 20 മില്യണ്‍ ദിര്‍ഹം സമ്മാനം നേടിയെങ്കിലും ജോലി ഉപേക്ഷിക്കില്ലെന്ന് ശ്രീജു വ്യക്തമാക്കി. സ്വന്തമായി ഒരു വീട് വേണമെന്ന ആഗ്രഹം ഏറെക്കാലമായി കൊണ്ടുനടക്കുകയാണ്. ബാങ്ക് ലോണ്‍ എടുത്ത് വീട് വാങ്ങാനാണ് തീരുമാനിച്ചിരുന്നത്. എന്നാല്‍ ഇപ്പോള്‍ ഈ തുക ഉപയോഗിച്ച് എനിക്ക് ഒരു വലിയ ബംഗ്ലാവ് തന്നെ നിര്‍മിക്കാന്‍ കഴിയുമെന്നും ശ്രീജു പറഞ്ഞു.

ജീവിതം മാറ്റിമറിച്ച മഹ്‌സൂസിന്റെ ചെക്ക് ലഭിച്ചെങ്കിലും തന്റെ പേരില്‍ 20 മില്യണ്‍ ദിര്‍ഹം ഉണ്ടെന്ന് ഇപ്പോഴും വിശ്വസിക്കാന്‍ കഴിയുന്നില്ലെന്നും ഭാര്യക്കും വിശ്വാസം വരുന്നില്ലെന്നും ശ്രീജു പറയുന്നു. ഈ വിജയത്തെക്കുറിച്ച് കമ്പനി മാനേജര്‍ക്കും അറിയില്ല.ഞായറാഴ്ച രാവിലെ ഇ-മെയില്‍ വഴിയാണ് സമ്മാനംകിട്ടിയ വിവരം അറിയുന്നത്. കാറിലിരുന്നാണ് മെയില്‍ തുറന്നത്. ഇതിന് മുമ്പ് ചെറിയ സമ്മാനങ്ങള്‍ ലഭിച്ചിരുന്നതിനാല്‍ അതുപോലുള്ള ഇ-മെയിലായിരിക്കുമെന്ന് കരുതി. മെയില്‍ തുറന്നപ്പോള്‍ അത് 20 ദശലക്ഷം ദിര്‍ഹം ആയിരുന്നു. വിജയം സ്ഥിരീകരിക്കാന്‍ മഹ്‌സൂസിന്റെ കോളിനായി കാത്തിരുന്നു. എന്തുകൊണ്ടാണ് എനിക്ക് ഇപ്പോഴും അത് വിശ്വസിക്കാന്‍ കഴിയാത്തതെന്ന് അറിയില്ലെന്നും ശ്രീജു പറഞ്ഞു.