ഒരു അവധി ദിനത്തിനായി പ്രവാസികൾ കാത്തിരിക്കുകയാണെന്ന് അറിയാം. ജോലിത്തിരക്കിൽ നിന്ന് ഒരു ദിവസം വിട്ടുനിൽക്കാൻ എല്ലാവരും ആഗ്രഹിക്കുന്ന കാര്യമാണ്. അതിപ്പോൾ ശമ്പളത്തോട് കൂടിയാണെങ്കിൽ ഇരട്ടി സന്തോഷമാകും. എന്നാൽ അങ്ങനെയൊരു പ്രഖ്യാപനം വന്നിരിക്കുകയാണ്. യുഎഇയിൽ ശമ്പളത്തോട് കൂടിയ അവധി പ്രഖ്യാപിച്ചു. യുഎഇ ദേശീയ ദിനം പ്രമാണിച്ചുള്ള അവധിയാണ് പ്രഖ്യാപിച്ചത്.

ഇതിനോട് അനുബന്ധിച്ച് യുഎഇയിലെ സ്വകാര്യ മേഖലക്ക് രണ്ട് ദിവസം പൊതു അവധി ആയിരിക്കുമെന്ന് മാനവവിഭവശേഷി സ്വദേശിവത്കരണ മന്ത്രാലയം ബുധനാഴ്ച അറിയിച്ചു. ഡിസംബര്‍ രണ്ട്, മൂന്ന് തീയതികളില്‍ സ്വകാര്യ മേഖലക്ക് ശമ്പളത്തോട് കൂടിയ പൊതു അവധി ആയിരിക്കുമെന്ന് അധികൃതര്‍ വ്യക്തമാക്കി.