യുഎഇയിൽ ഹൃദയാഘാതം മൂലം കണ്ണൂര് സ്വദേശി മരിച്ചു
യുഎഇയിൽ പ്രവാസി മലയാളി ഹൃദയാഘാതം മൂലം മരിച്ചു. കണ്ണൂര് സ്വദേശി രയരോം പള്ളിപ്പടി വിളക്കുന്നേല് പ്രിന്സ് സെബാസ്റ്റ്യന് (43) ആണ് റാസല്ഖൈമയില് മരിച്ചത്. കഴിഞ്ഞ ഞായറാഴ്ച ദേഹാസ്വാസ്ഥ്യത്തെ തുടർന്ന് ആശുപത്രിയിലെത്തിച്ചെങ്കിലും ഹൃദയാഘാതം സംഭവിക്കുകയായിരുന്നു.ആശുപത്രി മോര്ച്ചറിയില് സൂക്ഷിച്ചിട്ടുള്ള മൃതദേഹം നടപടികള് പൂര്ത്തിയാക്കി നാട്ടിലെത്തിക്കും. ഭാര്യ: ശില്പ ജോസഫ്.
അതേസമയം സൗദിയിൽ മലയാളി നഴ്സ് ഉറക്കത്തില് മരിച്ചു. മലപ്പുറം മേലാറ്റൂര് എടപ്പറ്റ പാതിരിക്കോട് കല്ലംപടി സ്വദേശിനി മാളിയേക്കല് റിന്റു മോള് (28) ആണ് മരിച്ചത്. ഹഫര് അല്ബാത്തിനിലെ മറ്റേണിറ്റി ആന്റ് ചില്ഡ്രന് ഹോസ്പിറ്റലില് നഴ്സായി ജോലിചെയ്തുവരികയായിരുന്നു. ജോലി കഴിഞ്ഞ ശേഷം റൂമിലെത്തിയ റിന്റു ഉറങ്ങാന് കിടന്നതായിരുന്നു.
രാവിലെ എഴുന്നേല്ക്കാത്തതിനെ തുടര്ന്ന് നോക്കിയപ്പോഴാണ് മരിച്ച നിലയില് കാണപ്പെട്ടതെന്ന് കൂടെയുള്ളവര് അറിയിച്ചു. മാളിയേക്കല് ജോസ് വര്ഗീസ്-മേരിക്കുട്ടി ദാമ്പതികളുടെ മകളാണ്. വിവാഹോലചനയുമായി ബന്ധപ്പെട്ട് നാട്ടില് പോയ റിന്റു മോള് ഇരുപത് ദിവസം മുമ്പാണ് സൗദിയില് മടങ്ങിയെത്തിയത്. നവംബര് 13നാണ് തിരിച്ച് ജോലിയില് പ്രവേശിച്ചത്.
https://www.facebook.com/Malayalivartha
