സൗദിയിൽ വരും ദിവസങ്ങളിൽ ശക്തമായ മഴയ്ക്ക് സാധ്യത, മുന്നറിയിപ്പുമായി ദേശീയ കാലാവസ്ഥാ നിരീക്ഷണ കേന്ദ്രം
സൗദിയിൽ വരും ദിവസങ്ങളിൽ ശക്തമായ മഴയ്ക്ക് സാധ്യതയെന്ന് ദേശീയ കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. ശനിയാഴ്ച്ചവരെ ശക്തമായ മഴയ്ക്ക് സാധ്യതയുണ്ട്. മണിക്കൂറില് 60 കിലോമീറ്ററില് കൂടുതല് വേഗതയിലുള്ള കാറ്റിന്റെയും പൊടിക്കാറ്റിന്റെയും അകമ്പടിയോടെ മക്ക പ്രവിശ്യയില് മക്ക, തായിഫ്, ജിദ്ദ, ലൈത്ത്, ബഹ്റ, ജുമൂം, അല്കാമില്, അദം, അല്അര്ദിയാത്ത്, മൈസാന്, ഖുലൈസ് എന്നിവിടങ്ങളില് മഴയ്ക്കു സാധ്യതയുണ്ട്.
രണ്ട് ദിവസം മഴ കൂടുതല് ശക്തി പ്രാപിക്കുമെന്നാണ് മുന്നറിയിപ്പ്. ബുധന്, വ്യാഴം ദിവസങ്ങളില് കൂടുതല് ശക്തമായ മഴ പെയ്യാന് സാധ്യതയുണ്ട്. മക്ക പ്രവിശ്യയില് പെട്ട തുര്ബ, അല്മോയ, അല്ഖുര്മ, റനിയ, ഖുന്ഫുദ എന്നിവിടങ്ങളില് ബുധന് മുതല് വെള്ളി വരെ ഇടത്തരം ശക്തിയിലുള്ള മഴയ്ക്ക് സാധ്യതയുണ്ട്.
മദീന പ്രവിശ്യയില് പെട്ട മദീന, മഹ്ദുദ്ദഹബ്, അല്ഹാനാകിയ, ഖൈബര്, അല്ഉല, വാദി അല്ഫറഅ് എന്നിവിടങ്ങളില് ഇന്ന് വൈകീട്ട് മുതല് വ്യാഴം വരെ മഴയ്ക്ക് സാധ്യതയുണ്ട്. മദീന പ്രവിശ്യയില് യാമ്പു, അല്അയ്സ്, ബദ്ര് എന്നിവിടങ്ങളിലും 28വരെ വരെ മഴയ്ക്ക് സാധ്യതയുണ്ട്.
https://www.facebook.com/Malayalivartha
