ഭാഗ്യം എന്നൊക്കെ പറഞ്ഞാൽ ദാ ഇതാണ്, പുതുവർഷത്തിൽ ബിഗ് ടിക്കറ്റിലൂടെ 45 കോടിയിലേറെ രൂപ സമ്മാനം നേടി പ്രവാസി യുവാവ്
പുതുവർഷത്തിൽ തന്നെ ബിഗ് ടിക്കറ്റിലൂടെ 45 കോടിയിലേറെ സ്വന്തമാക്കി ഇന്ത്യക്കാരനായ പ്രവാസി. ബിഗ് ടിക്കറ്റിന്റെ 259ാമത് നറുക്കെടുപ്പില് 062240 എന്ന ടിക്കറ്റ് നമ്പറിലൂടെ അല് ഐനില് താമസിക്കുന്ന മുനവര് ഫൈറൂസ് ആണ് പുതുവല്സരവേളയില് ഗ്രാന്ഡ് പ്രൈസ് നേടിയത്. ഡിസംബര് 15ന് വാങ്ങിയ ടിക്കറ്റാണ് സമ്മാനാര്ഹമായത്. അല് ഐനില് പ്രൈവറ്റ് ഡ്രൈവറായാണ് മുനവര് ജോലി ചെയ്യുന്നത്. നേരത്തേ അബുദാബിയിലായിരുന്നു ജോലി ചെയ്തിരുന്നത്. കഴിഞ്ഞ അഞ്ചുവര്ഷമായി എല്ലാ മാസവും മുനവര് ടിക്കറ്റെടുക്കുന്നുണ്ട്.
30 പേരുടെ ഗ്രൂപ്പായാണ് ടിക്കറ്റ് എടുത്തത് എന്നതിനാല് സമ്മാനത്തുക 45 കോടി രൂപ എല്ലാവര്ക്കുമായി വീതിച്ചുനല്കും. സമ്മാനവിവരം അറിയിക്കുന്നതിനായി ബിഗ് ടിക്കറ്റ് പ്രതിനിധികള് മുനവറിനെ നറുക്കെടുപ്പ് വേദിയില് വെച്ച് വിളിച്ചപ്പോള് അദ്ദേഹം ഞെട്ടിപ്പോയി. സമ്മാനത്തുക എങ്ങനെ വിനിയോഗിക്കണമെന്ന കാര്യത്തില് തീരുമാനമെടുത്തിട്ടില്ലെന്നും അപ്രതീക്ഷിത സമ്മാനമാണിതെന്നും മുനവര് പറഞ്ഞു. വിജയിയാതിലുള്ള സന്തോഷം പങ്കുവെച്ച അദ്ദേഹം സംഘാടകര്ക്ക് നന്ദിയറിയിച്ചു.
https://www.facebook.com/Malayalivartha