ഒമാനിൽ വാഹനാപകടത്തിൽ പ്രവാസി യുവാവ് മരിച്ചു. കോഴിക്കോട് മുതുവണ്ണ, കുറ്റ്യാടി സ്വദേശി അരീകുന്നുമ്മൽ മുഹമ്മദ് അലി- ജമീല ദമ്പതികളുടെ മകൻ മുഹമ്മദ് ഷാഫി (28) ആണ് മരിച്ചത്. ഇന്ന് രാവിലെ 10.30ഓടെ മുസന്നക്കടുത്ത് മുളന്തയിൽ ആണ് വാഹനാപകടം ഉണ്ടായത്.

മുഹമ്മദ് ഷാഫി എട്ട് വർഷത്തോളമായി സ്വകാര്യ കമ്പനിയിൽ ജോലി ചെയ്ത് വരികയായിരുന്നു. അവിവാഹിതനാണ്. റുസ്താഖ് ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം തുടർ നടപടികൾ പൂർത്തിയാക്കി നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവർ അറിയിച്ചു.