അന്താരാഷ്ട്ര ആഭ്യന്തര യാത്രക്കാർക്കായി റിപ്പബ്ലിക് ഡേ സെയിൽ ഓഫർ പ്രഖ്യാപിച്ച് എയർ ഇന്ത്യ എക്സ്പ്രസ്. ജനുവരി 31 വരെ നടത്തുന്ന ബുക്കിംഗുകള്‍ക്ക് ഈ ഓഫർ ലഭിക്കും. യാത്രക്കായി ടിക്കറ്റ് ബുക്ക് ചെയ്യുമ്പോൾ ടിക്കറ്റ് നിരക്കിൽ 26 ശതമാനം വരെ ഇളവ് ലഭിക്കും. ഇപ്പോൾ ടിക്കറ്റ് എടുത്തുവെച്ചാൽ ഏപ്രിൽ 30 വരെയുള്ള യാത്രകൾക്ക് ഇത് ബാധകമാണ്. യാത്രക്കാർക്ക് മാത്രമല്ല, ചില വിഭാഗത്തിൽപ്പെട്ടവർക്ക് പ്രത്യേക നിരക്കിളവുകൾ ലഭിക്കും.

ന്യൂപാസ് റിവാർഡ് പ്രോഗ്രാമിന്‍റെ ഭാഗമായി ജെറ്റെറ്റേഴ്സ് ലോയൽറ്റി അംഗങ്ങൾക്കും, ഹൈഫ്ലൈയേഴ്സ് അംഗങ്ങൾക്കും കോംപ്ലിമെന്‍ററി എക്സ്പ്രസ് എഹെഡ് മുൻഗണനാ സേവനങ്ങളും ലഭിക്കും, കൂടാതെ ടാറ്റ ന്യൂപാസ് റിവാർഡ്സ് പ്രോഗ്രാമിലെ അംഗങ്ങൾക്ക് , സീറ്റുകൾ, ബാഗേജുകൾ, ഭക്ഷണം ഫീസ് ഇളവുകൾ എന്നിവ പോലുള്ള കാര്യങ്ങൾ ലഭിക്കും. എക്സ്ക്ലൂസീവ് മെമ്പർ ആനുകൂല്യങ്ങൾക്ക് പുറമേ 8 ശതമാനം വരെ ന്യൂകോയിൻസും ഇവർക്ക് ലഭിക്കുന്നതാണ്.

വിഐപി അംഗങ്ങൾക്ക് മാത്രമല്ല, വിദ്യാർഥികൾ, മുതിർന്ന പൗരന്മാർ,ആശ്രിതർ, ചെറുകിട ഇടത്തരം സംരംഭകർ, സായുധ സേനാംഗങ്ങൾ എന്നിവർക്ക് ആനുകൂല്യം ലഭിക്കും. വെബ്സെെറ്റ് വഴിയോ, മൊബൈൽ ആപ് വഴിയോ ബുക്കിംഗുകൾ നടത്താൻ സാധിക്കും. കൂടാതെ സർവീസിലുള്ളവർക്കും വിരമിച്ചവരുമായ ഇന്ത്യൻ സായുധ സേനയിലെ അംഗങ്ങൾക്കും അവരുടെ ആശ്രിതർക്കും വിമാന ടിക്കറ്റിൽ ഇളവ് ലഭിക്കും. എയർ ഇന്ത്യ എക്സ്പ്രസിന്റെ വെബ്സെെറ്റ് വഴിയോ അല്ലെങ്കിൽ മെബെെൻ ആപ്പ് വഴിയോ ബുക്കിംഗുകൾ നടത്താൻ സാധിക്കും. 50 ശതമാനം വരെ ഇളവ് ലഭിക്കും.