വിമാനത്തിന് അകത്ത് വച്ച്, ദേഹാസ്വസ്ഥ്യം അനുഭവപ്പെട്ട യാത്രക്കാരന്‍ മരിച്ചു. നാല്‍പ്പത്തി മൂന്നുകാരനായ കോട്ടയം സ്വദേശി സുമേഷ് ജോര്‍ജാണ് മരിച്ചത്. ബഹറൈനില്‍ നിന്നും എയര്‍ അറേബ്യ വിമാനത്തില്‍ തിങ്കളാഴ്ച രാത്രി നെടുമ്പാശ്ശേരിയിലേക്ക് യാത്ര ചെയ്യുമ്പോഴാണ് അസ്വസ്ഥതയുണ്ടായത്. തുടര്‍ന്ന് അങ്കമാലിയിലെ സ്വകാര്യ ആശുപത്രിയിലേക്ക് മാറ്റിയെങ്കിലും ജീവന്‍ രക്ഷിക്കാനായില്ല.