പ്രവാസികളുടെ ഏറെ നാളായുള്ള കാത്തിരിപ്പിന് വിരാമമിട്ട് കുവൈത്തിൽ പുതിയ റെസിഡൻസി നിയമം ഉടൻ പ്രാബല്യത്തിൽ വരും. നേരത്തെ കുടുംബാംഗങ്ങളെ കൊണ്ടുവരുന്നതിനുള്ള വിദ്യാഭ്യാസ യോഗ്യതയിൽ കുവൈത്ത് ഇളവ് പ്രഖ്യാപിച്ചെങ്കിലും 800 ദിനാർ (ഏകദേശം 2,19,084) എങ്കിലും ശമ്പളം വേണമെന്ന വ്യവസ്ഥയിൽ മാറ്റം വരുത്തിയിരുന്നില്ല. വിസ നിയമങ്ങളില്‍ പുതിയ മാറ്റങ്ങള്‍ വരുത്തിയുള്ളതാണ് പുതിയ റെസിഡൻസി നിയമം എന്നാണ് പുറത്തുവരുന്ന വിവരം. ഇതുമായി ബന്ധപ്പെട്ട് പുതിയ റെസിഡന്‍സി നിയമം തയ്യാറായതായും അത് നിലവില്‍ ലീഗല്‍ കമ്മിറ്റി അവലോകനം ചെയ്തു വരികയാണെന്നും പ്രഥമ ഉപപ്രധാനമന്ത്രിയും പ്രതിരോധ മന്ത്രിയും ആഭ്യന്തര മന്ത്രിയുമായ ശെയ്ഖ് ഫഹദ് അല്‍ യൂസഫ് അറിയിച്ചു.

സുരക്ഷാ വിഭാഗങ്ങളുടെ നേതൃത്വത്തില്‍ അനധികൃത താമസക്കാര്‍ക്കെതിരേ വിപുലമായ സുരക്ഷാ കാമ്പയിന്‍ നടക്കുന്ന ഖൈത്താനില്‍ നടത്തിയ സന്ദര്‍ശന വേളയിലാണ് മന്ത്രി ഇക്കാര്യം വ്യക്തമാക്കിയത്. നേരത്തെ അദ്ദേഹം ഇക്കാര്യം സ്ഥരീകരിച്ചിരുന്നു. നിയമവുമായി ബന്ധപ്പെട്ടവർ, സ്പോൺസർമാർ ഉൾപ്പെടെയുള്ളവർ നടത്തുന്ന ലംഘനങ്ങൾ സംബന്ധിച്ച നിയമപരവും സാമ്പത്തികവും നടപടിക്രമപരവുമായ ഭേദഗതികൾ പുതിയ നിയമത്തിൽ ഉൾപ്പെടുന്നുവെന്ന് അദ്ദേഹം ചൂണ്ടിക്കാട്ടിയിരുന്നു. മാറ്റങ്ങളോടെയുള്ള പുതിയ നിയമത്തിന് താമസിയാതെ കമ്മിറ്റിയുടെ അംഗീകാരം ലഭിക്കുമെന്നാണ് പ്രതീക്ഷിക്കുന്നതെന്നും അദ്ദേഹം പറഞ്ഞു.

പുതിയ റെസിഡൻസി നിയമത്തിൽ എന്തെല്ലാം മാറ്റങ്ങളാണ് ഉൾപ്പെടുത്തിയതെന്ന് നോക്കാം....
 
പുതിയ വിസ നിയമവുമായി ബന്ധപ്പെട്ട കൂടുതല്‍ വിവരങ്ങള്‍ പുറത്തുവന്നിട്ടില്ലെങ്കിലും പുതിയ വിസ നയത്തിന്റെ ഭാഗമായി പ്രവാസികള്‍ക്കുള്ള വിസിറ്റ് വിസകള്‍ക്ക് വീണ്ടും അനുമതി നല്‍കും. എന്നാല്‍ പ്രത്യേക നിബന്ധനകളും വ്യവസ്ഥകളും ഉള്‍പ്പെടെ കൂടുതല്‍ നിയന്ത്രണങ്ങള്‍ വിസിറ്റ് വിസയുടെ കാര്യത്തില്‍ നടപ്പിലാക്കും. ഈ വ്യവസ്ഥകള്‍ ലംഘിക്കുന്നവര്‍ക്കെതിരെ കര്‍ശന നിയമനടപടികള്‍ സ്വീകരിക്കുമെന്നും ശെയ്ഖ് ഫഹദ് അല്‍ യൂസഫ് കൂട്ടിച്ചേര്‍ത്തു.  സന്ദർശന നിബന്ധനകൾ ലംഘിക്കുന്ന പ്രവാസികൾക്കെതിരെ കർശന നിയമനടപടികൾ ആഭ്യന്തര മന്ത്രാലയം നടപ്പാക്കിയിട്ടുണ്ടെന്നും സ്പോൺസർമാരോടൊപ്പം അവരെ രാജ്യത്ത് നിന്ന് നാടുകടത്തുമെന്നും അദ്ദേഹം വ്യക്തമാക്കി.

ആവശ്യമുള്ള വ്യക്തികളെയും നിയമലംഘകരെയും നിയമലംഘകരെയും പിടികൂടുന്നതിനായി രാജ്യത്തിൻ്റെ എല്ലാ മേഖലകളിലും സുരക്ഷാ കാമ്പെയ്നുകൾ തുടരുമെന്ന് അദ്ദേഹം ഊന്നിപ്പറഞ്ഞു. റസിഡൻസി നിയമം ലംഘിക്കുന്നവരെ നിയന്ത്രിക്കുകയും രാജ്യത്ത് അവരുടെ സാന്നിധ്യം കുറയ്ക്കുകയും ചെയ്യുക എന്നതാണ് പ്രധാന ലക്ഷ്യമെന്നും അദ്ദേഹം നേരത്തെ വ്യക്തമാക്കിയിരുന്നു. അതിനിടെ, റെസിഡന്‍സി നിയമത്തിന്റെ ലംഘനങ്ങള്‍ കുറയ്ക്കുന്നതിന്റെ ഭാഗമായി നിയമലംഘകരെ ലക്ഷ്യമിട്ടുള്ള സുരക്ഷാ കാമ്പെയ്നുകള്‍ രാജ്യത്തിന്റെ എല്ലാ പ്രദേശങ്ങളിലും സജീവമായി നടക്കുകയാണ്. ശെയ്ഖ് ഫഹദ് അല്‍ യൂസഫിന്റെ മേല്‍നോട്ടത്തില്‍ ഖൈത്താനില്‍ ആഭ്യന്തര മന്ത്രാലയം നടത്തിയ പരിശോധനകള്‍ നിരവധി നിയമലംഘനങ്ങള്‍ കണ്ടെത്തി.

പ്രത്യേക സുരക്ഷാ സേനയുടെ പിന്തുണയോടെയും വനിതാ പോലീസിന്റെ പങ്കാളിത്തത്തോടെയും ജനറല്‍ ട്രാഫിക് ഡിപ്പാര്‍ട്ട്മെന്റ്, ജനറല്‍ ഡിപ്പാര്‍ട്ട്മെന്റ് ഓഫ് റെസ്‌ക്യൂ പോലീസ്, പൊതു സുരക്ഷാ വിഭാഗം എന്നിവയുള്‍പ്പെടെ വിവിധ വകുപ്പുകളുടെ സഹകരണത്തോടെയാണ് പരിശോധനകള്‍ നടത്തിയത്. ഖൈത്താനില്‍ നടത്തിയ പരിശോധനകളില്‍ 2,831 ട്രാഫിക് ലംഘനങ്ങള്‍ക്ക് പിഴ നോട്ടീസ് നല്‍കി. ഒളിവിലുള്ളവരും അറസ്റ്റ് വാറണ്ടുള്ളവരുമടക്കം 34 പേരുടെ അറസ്റ്റ് രേഖപ്പെടുത്തിയതായും നിയമലംഘനങ്ങള്‍ നടത്തിയ 22 വാഹനങ്ങള്‍ പിടിച്ചെടുത്തതായും അദ്ദേഹം അറിയിച്ചു. ഇതിനു പുറമെ, താമസ, തൊഴില്‍ നിയമങ്ങള്‍ ലംഘിച്ച് രാജ്യത്ത് കഴിയുകയായിരുന്ന 17 പേരെയും കസ്റ്റഡിയിലെടുത്തു. മയക്കുമരുന്ന് കടത്തതുമായി ബന്ധപ്പെട്ട രണ്ട് കേസുകള്‍ രജിസ്റ്റര്‍ ചെയ്തതായും അദ്ദേഹം.