ദുരിതക്കടലിലായ കേരളത്തിനു പിന്തുണയുമായി 'സുഡാനി' താരം സാമുവല് റോബിന്സണ്
കനത്ത മഴയിലും പ്രളയക്കെടുതിയിലും ദുരിതക്കടലിലായ കേരളത്തിനു പിന്തുണയുമായി 'സുഡാനി' താരം സാമുവല് റോബിന്സണ്. സമൂഹമാധ്യമത്തിലിട്ട കുറിപ്പിലാണ് താരം സംസ്ഥാനത്തിന് എല്ലാ പിന്തുണയും അറിയിച്ചത്.
തന്റെ രണ്ടാമത്തെ ഭവനമായ കേരളം നശിക്കുന്നത് കാണാന് ആഗ്രഹമില്ലെന്നും മുഖ്യമന്ത്രിയുടെ ദുരിതാശ്വാസ ഫണ്ടിലേക്ക് എല്ലാവരും സംഭാവന നല്കണമെന്ന് അദ്ദേഹം പറഞ്ഞു.
പ്രളയം വ്യക്തിപരമായി ബാധിച്ചിട്ടില്ലാത്തവരും ദുരിതത്തില് നിന്നു കരകയറാന് പ്രളയബാധിതരെ സഹായിക്കണമെന്നും സാമുവല് പറഞ്ഞു. മുഖ്യമന്ത്രിയുടെ ദുരിതാശ്വാസ ഫണ്ടിന്റെ ബാങ്ക് അക്കൗണ്ട് വിവരങ്ങളും അദ്ദേഹം കുറിപ്പിനോടൊപ്പം പങ്കുവെച്ചിട്ടുണ്ട്.
നൈജീരിയന് സ്വദേശിയായ സാമുവല് റോബിന്സണ് 'സുഡാനി ഫ്രം നൈജീരിയ' എന്ന മലയാള ചലച്ചിത്രത്തിലൂടെയാണ് കേരളത്തില് പ്രശസ്തനായത്. അതേസമയം കേരളത്തിനു പിന്തുണയുമായി മുന് കേരള ബ്ലാസ്റ്റേഴ്സ് താരം ഇയാന് ഹ്യൂമും രംഗത്തെത്തി.
https://www.facebook.com/Malayalivartha
