'ഗള്ഫിലുള്ള' അച്ഛനെ, സ്കൂള് വിട്ടിറങ്ങിയ മകന് കണ്മുന്നില് കണ്ടപ്പോള്!
സ്വപ്നങ്ങളെ യാഥാര്ഥ്യങ്ങളാക്കാന് വേണ്ടി ഉറ്റവരെ വിട്ട് അകലങ്ങളിലേക്ക് പറക്കുമ്പോഴും പ്രവാസിയുടെ നെഞ്ചില് എപ്പോഴും നിറകണ്ണുകളോടെ യാത്രയാക്കുന്ന പ്രിയപ്പെട്ടവരാണ്. കാത്തിരിക്കുന്നവരെയോര്ത്ത്, അവര് സമ്മാനിച്ച നല്ല ഓര്മകളില് പ്രവാസജീവിതത്തിന്റെ ഒറ്റപ്പെടലുകള് അവര് മറികടക്കുന്നു.
അതുകൊണ്ടു തന്നെയാണ് പ്രവാസജീവിതത്തിന്റെ ഏകാന്തതയ്ക്ക് ഇടവേള നല്കി നാട്ടിലെത്തുന്നവര് തങ്ങളുടെ പ്രിയപ്പെട്ടവരുടെ അരികിലെത്താന് അവര് കാട്ടുന്ന തിടുക്കവും വെമ്പലുമൊക്കെ കാണുമ്പോള് എല്ലാവരും ഒരുപോലെ നെഞ്ചേറ്റുന്നത്.
ഈ അച്ഛനെയും മകനെയും സോഷ്യല്ലോകം ആഘോഷിക്കുകയാണ്. 'തിരികെ ഞാന് വരുമെന്ന വാര്ത്ത കേള്ക്കാന്..' എന്ന സിനിമാഗാനം പ്രവാസികളുടെ പ്രിയപ്പെട്ടതായത് ആ വരികള് അവരുടെ ജീവിതത്തോട് അത്രയും ചേര്ന്ന് നില്ക്കുന്നത് കൊണ്ടും കൂടിയാണ് എന്നത് ഈ വിഡിയോ അടിവരയിടുന്നു.
നാട്ടിലെത്തുന്ന പ്രവാസി കൊണ്ടുവരുന്ന സമ്മാനങ്ങളെക്കാള് വലുത് ആ പ്രിയപ്പെട്ടവരെ നേരില് കാണുന്ന ആ നിമിഷത്തിനാണ്. അത്തരമൊരു കൂടിച്ചേരലിന്റെ വിഡിയോയാണ് സോഷ്യല് ലോകത്തിന്റെ കണ്ണുനിറയ്ക്കുന്നത്.
വിദേശത്തുനിന്നും അച്ഛന് വന്നത് ഈ മകന് അറിഞ്ഞിട്ടില്ല. സ്കൂളിലുള്ള കുഞ്ഞു മകന് കൈയ്യോടെ സര്പ്രൈസ് നല്കാന് നേരെ സ്കൂളിലേക്ക് എത്തി അച്ഛന്. സ്കൂളു വിട്ടിറങ്ങിയ പാടെ അപ്രതീക്ഷിതമായി അച്ഛനെ കണ്ട സന്തോഷത്തില് മകന് ഒരുനിമിഷം നിന്നുപോകുന്നുണ്ടെങ്കിലും പിന്നീട് ഓടി വന്ന് കെട്ടിപ്പിടിക്കുകയാണ്. മകനെ കണ്ട സന്തോഷത്തില് അച്ഛനും അവനെ കോരിയെടുത്തുപോയി. പ്രവാസിയുടെ നാടോര്മകളെ തൊട്ടുണര്ത്തുന്ന ആ വിഡിയോ കാണാം.
https://www.facebook.com/Malayalivartha