ഹോട്ടല്‍മാനേജ്‌മെന്റ് വിദ്യാര്‍ഥികള്‍ മൊണാലിസയെ പുനരാവിഷ്‌കരിച്ചത് ബ്രഡ്ഡ് കൊണ്ട്!
അല്‍പമെങ്കിലും കലാവാസന മനസ്സിലുള്ളവരെ എല്ലാക്കാലത്തും അതിശയിപ്പിച്ചിട്ടുള്ളതും ആകര്‍ഷിച്ചിട്ടുള്ളതുമാണ് ലിയനാര്‍ഡോ ഡാവിഞ്ചിയുടെ പ്രശസ്ത സൃഷ്ടിയായ മൊണാലിസ.
അതുകൊണ്ടു തന്നെ അതിനെ പുനരാവിഷ്‌കരിക്കാനുള്ള ശ്രമങ്ങള്‍ കാലാകാലങ്ങളായി തുടര്‍ന്നു വരുന്നുമുണ്ട്.
ഇപ്പോഴിതാ ഈ മൊണാലിസയെ ജപ്പാനിലെ ഫുക്വാകായില്‍ പ്രവര്‍ത്തിക്കുന്ന ഹോട്ടല്‍മാനേജ്‌മെന്റ് സ്‌കൂളിലെ ഒരു പറ്റം വിദ്യാര്‍ഥികള്‍ ബ്രഡ്ഡുകള്‍കൊണ്ട് സൃഷ്ടിച്ചിരിക്കുകയാണ്.
ഏകദേശം 2,200 കക്ഷണം ബ്രഡ്ഡുകളാണ് അവര്‍ ഇതിനായി ഉപയോഗിച്ചത്. സ്‌കൂളിന്റെ വാര്‍ഷികാഘോഷത്തിന്റെ ഭാഗമായി ഈ ബ്രഡ് മൊണാലിസയെ പൊതുജനങ്ങള്‍ക്കു കാണുവാന്‍ പ്രദര്‍ശനത്തിനു വയ്ക്കുകയും ചെയ്യും.
30 വിദ്യാര്‍ഥികളടങ്ങിയ ഒരു സംഘത്തിന്റെ മൂന്നു മാസത്തെ പരിശ്രമമാണ് ഈ ബ്രഡ്ഡ് മൊണാലിസ.
ഈ നിര്‍മിതിക്ക് 7.8 അടി നീളവും 1.5 മീറ്റര്‍ നീളവുമുണ്ട്. വെള്ളയും കറുപ്പും നിറമുള്ള ബ്രഡ്ഡാണ് ഇത് നിര്‍മിക്കുവാനായി ഇവര്‍ ഉപയോഗിച്ചത്.
https://www.facebook.com/Malayalivartha
