മാസ്‌ക് ധരിച്ച് കാറോടിച്ച ഡ്രൈവര്‍ക്ക് സസ്‌പെന്‍ഷന്‍
ചൈനയിലെ ലിന്‍ഹായ് സ്വദേശിയായ ഷെന്‍ യിഖ്വണ്‍ കാര്‍ ഡ്രൈവറാണ്. അടുത്തിടെ ചര്‍മം സംരക്ഷിക്കുവാന്‍ മാസ്‌ക് ധരിച്ച് ജോലി ചെയ്തതിനെ തുടര്‍ന്ന് ഷെന്‍-ന് സസ്‌പെന്‍ഷന്‍ ലഭിച്ചു.
രാത്രിയിലെ ജോലി കഴിഞ്ഞ ഷെന്‍ പുലര്‍ച്ചെ വാഹനത്തില്‍ ഇന്ധനം നിറയ്ക്കുവാനായി നഗരത്തിലേക്കു പോയത് മുഖത്ത് മാസ്‌ക് അണിഞ്ഞായിരുന്നു.
ഇത് ശ്രദ്ധിച്ച ഒരു യുവതി ഇദ്ദേഹത്തിന്റെ ചിത്രം പകര്‍ത്തി സോഷ്യല്‍മീഡിയയില്‍ പങ്കുവച്ചതിനെ തുടര്‍ന്ന് പ്രതികരണവുമായി രംഗത്തെത്തിയത് ആയിരക്കണക്കിനാളുകളാണ്.
സംഭവം ശ്രദ്ധയില്‍പ്പെട്ട പോലീസ് ഉദ്യോഗസ്ഥര്‍ ഇദ്ദേഹത്തെ കണ്ടെത്തിയിരുന്നു. മുഖത്ത് മാസ്‌ക്ക് അണിഞ്ഞ് സഞ്ചരിക്കുമ്പോള്‍ കാണുന്നവര്‍ തെറ്റായ രീതിയില്‍ അത് സ്വീകരിക്കുമെന്നാണ് അവര്‍ വിശദീകരിച്ചത്. പ
ിന്നീട് ഷെന്‍ ജോലി ചെയ്തിരുന്ന സ്ഥാപനത്തിന്റെ ഉടമ അദ്ദേഹത്തെ മൂന്നു ദിവസത്തേക്ക് ജോലിയില്‍ നിന്നും സസ്‌പെന്‍ഡ് ചെയ്യുകയും ചെയ്തു.
ഈ യുവതി പങ്കുവച്ച ഷെനിന്റെ ചിത്രത്തിനു താഴെ അദ്ദേഹത്തെ അനുകൂലിച്ചും പ്രതികൂലിച്ചും പ്രതികരണവുമായി നിരവധിയാളുകള്‍ എത്തിയിട്ടുണ്ട്.
https://www.facebook.com/Malayalivartha
