18 കിലോമീറ്റര് കാര് ഓടിച്ചെത്തിയത് അജിത്തിനൊപ്പം ഒരു സെല്ഫി എടുക്കാന്!
ആരാധകര്ക്കും സിനിമാ ലോകത്തെ മറ്റു താരങ്ങള്ക്കും ഒരു പോലെ പ്രിയപ്പെട്ട വ്യക്തിയാണ് തല അജിത്ത്. കഴിഞ്ഞ ദിവസം അജിത്തിനൊപ്പം ഒരു സെല്ഫി എടുക്കാനായി താരത്തെ പിന്തുടര്ന്ന ആരാധകന്റെ സെല്ഫിയാണ് ഇപ്പോള് സോഷ്യല് മീഡിയയില് സംസാരവിഷയമാകുന്നത്. അജിത്തിനൊപ്പം നില്ക്കുന്ന ഒരു സെല്ഫി തന്റെ ഫെയ്സ്ബുക്കില് പോസ്റ്റ് ചെയ്തിരിക്കുന്നത് ഗണേഷ് എന്ന ആരാധകനാണ്.
താരത്തിനൊപ്പം ഒരു സെല്ഫി എടുക്കാനായി തന്റെ കാറിനെ പിന്തുടരുന്ന ചെറുപ്പക്കാരനെ കണ്ട അജിത്ത് കാര് നിര്ത്തി സംസാരിക്കുകയും ഒപ്പം സെല്ഫി എടുക്കാന് അനുവദിക്കുകയും ചെയ്തു. ആരാധനയുടെ പേരില് മണ്ടത്തരം കാണിക്കരുത് എന്ന് ആരാധകനെ ശകാരിച്ചതിനൊപ്പം അപകടം നിറഞ്ഞ പ്രവൃത്തികള് ചെയ്യരുതെന്നും സൂക്ഷിക്കണമെന്നും സ്നേഹപൂര്വ്വം ഉപദേശിക്കാനും അജിത്ത് മറന്നില്ല.
താരത്തിനൊപ്പം ഒരു സെല്ഫി എടുക്കാനായി 18 കിലോമീറ്ററോളം ദൂരം ഗണേഷ്, താരത്തിന്റെ കാറിനെ പിന്തുടരുകയായിരുന്നു. ഗണേശ് തന്നെയാണ് താരത്തിനൊപ്പമുള്ള സെല്ഫിയ്ക്ക് ഒപ്പം സെല്ഫിയ്ക്കു പിറകിലെ കഥയും ഫെയ്സ്ബുക്കില് പങ്കുവെച്ചിരിക്കുന്നത്.
'മുന്പ് നാലഞ്ചു തവണ തലയെ കണ്ടിരുന്നെങ്കിലും അദ്ദേഹത്തിനൊപ്പം ഒരു ചിത്രമെടുക്കാന് സാധിച്ചിരുന്നില്ല. അടുത്തിടെ അദ്ദേഹം എയര്പോര്ട്ടിലുണ്ടെന്ന് മനസ്സിലാക്കി ഞാനദ്ദേഹത്തെ കാണാന് തീരുമാനിച്ചു. നല്ല തിരക്കായതു കൊണ്ട് കൂടെ നിന്ന് ഫോട്ടോയെടുക്കാനുള്ള അവസരം അപ്പോഴും ലഭിച്ചില്ല. തുടര്ന്ന് ഞാനും കൂട്ടുകാരനും അദ്ദേഹത്തിന്റെ കാറിനെ പിന്തുടരാന് തീരുമാനിച്ചു.
ഏതാണ്ട് 18 കിലോമീറ്ററോളം കാറിനു പിറകെ ഞങ്ങള് സഞ്ചരിച്ചുകാണും. ഒടുവില് ഞങ്ങള് അദ്ദേഹത്തിന്റെ ശ്രദ്ധയില്പ്പെട്ടു. ഞങ്ങളുടെ ആവശ്യം പറഞ്ഞപ്പോള് സെല്ഫി എടുക്കാന് അനുവദിച്ചു. അദ്ദേഹം എന്റെ പേര് ചോദിച്ചു പരിചയപ്പെട്ടു. ഇനിയൊരിക്കലും ഇങ്ങനെ ചെയ്യരുത്, എന്തെങ്കിലും അപകടം പറ്റിയാലോ എന്നുചോദിച്ച് സ്നേഹത്തോടെ തല എന്നെ ഉപദേശിച്ചു. തന്റെ ഫാന്സിന് എന്തെങ്കിലും പറ്റിയാല് താങ്ങാനാവില്ലെന്നു അദ്ദേഹം പറഞ്ഞു, അതുകേട്ട് ഞാനദ്ദേഹത്തോട് മാപ്പു പറഞ്ഞു,' ഗണേഷ് പറയുന്നു.
വിശ്വാസത്തിന്റെ ഷൂട്ട് കഴിഞ്ഞ് ചെന്നൈയിലേക്ക് മടങ്ങുമ്പോഴായിരുന്നു അജിത്തിന്റെ കാറിനു പിന്നാലെയുള്ള ആരാധകന്റെ ചെയ്സിംഗ്. എയര്പോര്ട്ടുമുതല് ഇതിനായി അജിത്തിനെ പിന്തുടരുകയായിരുന്നു ആരാധകന്.
https://www.facebook.com/Malayalivartha