വൈന് നല്കാന് വിസമ്മതിച്ചതിന് യാത്രക്കാരി എയര് ഇന്ത്യ ജീവനക്കാരുടെ മുഖത്ത് തുപ്പി!
കൂടുതല് വൈന് നല്കാന് വിസ്സമതിച്ച എയര് ഇന്ത്യ ജീവനക്കാരുടെ മുഖത്ത് ഐറിഷ് യുവതി തുപ്പുന്നതിന്റേയും അസഭ്യം പറയുന്നതിന്റേയും ദൃശ്യങ്ങള് പുറത്ത്. മദ്യലഹരിയില് ജീവനക്കാരെ ചീത്ത വിളിക്കുന്ന യുവതിയുടെ വിഡിയോ സോഷ്യല് മീഡിയയില് പ്രചരിക്കുന്നുണ്ട്.
മുംബൈയില് നിന്ന് ലണ്ടനിലേക്ക് യാത്ര ചെയ്യുകയായിരുന്നു യുവതി. മദ്യലഹരിയിലായിരുന്ന യുവതി കൂടുതല് വൈന് വേണമെന്ന് ആവശ്യപ്പെട്ടു. എന്നാല് ജീവനക്കാര് വിസ്സമതിച്ചു. ഇതോടെ പ്രകോപിതയായ യുവതി ജീവനക്കാര്ക്ക് നേരെ തിരിഞ്ഞു.
അന്താരാഷ്ട്ര അഭിഭാഷകയാണ് താനെന്ന് യുവതി ഇടക്കിടെ ആവര്ത്തിക്കുന്നുണ്ട്. 'ബിസിനസ് ക്ലാസ് യാത്രക്കാരെ നിങ്ങളിങ്ങനെയാണോ കൈകാര്യം ചെയ്യുന്നത്? ഞാന് എല്ലാ മനുഷ്യര്ക്കും വേണ്ടി ജോലി ചെയ്യുന്നയാളാണ്. രോഹിങ്ക്യകള്ക്കും ഏഷ്യയിലെ മനുഷ്യര്ക്കും എല്ലാം വേണ്ടി ജോലി ചെയ്യുന്ന അന്താരാഷ്ട്ര ക്രിമിനല് അഭിഭാഷകയാണ് ഞാന്.' അസഭ്യം ചേര്ത്ത് യുവതി പറയുന്നു.
ഞാന് എയര് ഇന്ത്യയെ ബഹിഷ്കരിക്കാന് പറഞ്ഞാല് എല്ലാം കഴിഞ്ഞെന്നും യുവതി ഭീഷണി മുഴക്കി. യുവതിയെ പിന്നീട് അറസ്റ്റ് ചെയ്തു.
https://www.facebook.com/Malayalivartha