പ്രണയസാഫല്യം തേടി 8,000 കിലോമീറ്റര് സഞ്ചരിച്ചത് യുവതി!
ഒരു വര്ഷത്തെ കാത്തിരിപ്പിനൊടുവില് തന്റെ പ്രണയനായകനെ കാണുവാനായി യുവതി സഞ്ചരിച്ചത് 8,000 കിലോമീറ്റര്. ലിത്വാനിയന് സ്വദേശിനിയായ വികാച്കാ എന്നു പേരുള്ള യുവതിയാണ് ഇന്സ്റ്റഗ്രാമില് പരിചയപ്പെട്ട യുവാവിനെ തേടി കിലോമീറ്ററുകള് താണ്ടി ഫിലിപ്പെന്സിലെത്തിയത്.
വികാച്കായും ഫിലിപ്പെന്സ് സ്വദേശിയായ യൂഗെനെയും തമ്മില് ഇന്സ്റ്റഗ്രാമില് കൂടി പരിചയപ്പെടുന്നത് 2017 മെയിലാണ്. ഇരുവര്ക്കുമിടയില് മൊട്ടിട്ട സൗഹൃദം പിന്നീട് പ്രണയത്തിലേക്ക് വഴിമാറുകയായിരുന്നു. ഒരു വര്ഷത്തിനു ശേഷമാണ് ഇരുവരും ആദ്യമായി നേരില് കാണുവാനായി തീരുമാനിച്ചത്.
തുടര്ന്ന് വികാച്കാ ലിത്വാനിയില് നിന്നും ഫിലിപ്പെന്സിലേക്കു യാത്ര ചെയ്യുകയായിരുന്നു. വികാച്കാ തന്നെ കാണുവാന് വരുന്നതറിഞ്ഞ് യൂഗാനെ എയര്പോര്ട്ടില് കാത്തു നിന്നു. നാളുകള് നീണ്ട കാത്തിരിപ്പിനൊടുവില് കണ്ടുമുട്ടിയ ഇരുവര്ക്കും സന്തോഷം അടക്കുവാന് പറ്റില്ലായിരുന്നു.
യൂഗാനെ വികാച്കായെ തന്റെ മാതാപിതാക്കള്ക്ക് പരിചയപ്പെടുത്തി. ഇരുവരും തമ്മിലുള്ള ബന്ധത്തിന് വീട്ടുകാര്ക്ക് സമ്മതമാണ്. ഫിലിപ്പെന്സിലെ പല സ്ഥലങ്ങളില് നിന്നെടുത്ത ചിത്രങ്ങളും ഇരുവരും ഇന്സ്റ്റഗ്രാമില് പങ്കുവച്ചിട്ടുണ്ട്.
https://www.facebook.com/Malayalivartha
