ഉയര്ന്നു പൊയ്ക്കൊണ്ടിരുന്ന ഷട്ടര് ഡോറില് തൂങ്ങിയാടുന്ന കുസൃതിക്കുരുന്നിനെ കണ്ട അമ്മ ഞെട്ടി!
മാതാപിതാക്കളുടെ കണ്ണൊന്നു തെറ്റിയാല് കുരുന്നുകള് ഒപ്പിച്ചുവയ്ക്കുന്ന കുസൃതികള്ക്ക് കണക്കുണ്ടാവില്ല.
അത്തരമൊരു കുസൃതിയുടെ ദൃശ്യങ്ങളിലാണ് സോഷ്യല്മീഡിയയുടെ കണ്ണുടക്കുന്നത്.
രണ്ടു കുട്ടികളുമായി വരുന്ന ഒരു യുവതി ഒരു ഷട്ടര് തുറക്കുന്നതിന്റെ ദൃശ്യങ്ങളാണ്.
മൂത്ത കുട്ടിയെ ഒപ്പെ നിറുത്തി ഷട്ടര് തുറക്കുവാനുള്ള സ്വിച്ചില് അമര്ത്തി.
ഷട്ടര് പതിയെ മുകളിലേക്ക് ഉയര്ന്നപ്പോള്, പ്രാമില് ഉണ്ടായിരുന്ന കൊച്ചു കുഞ്ഞിനെ എടുക്കുവാന് യുവതി പിറകിലേക്കു പോയി.
കുഞ്ഞിനെയും എടുത്തുകൊണ്ട് മുന്നിലേക്ക് തിരിഞ്ഞ അവര് ഞെട്ടിപ്പോയി.
കാരണം മുകളിലേക്ക് ഉയര്ന്നു പോയ്ക്കൊണ്ടിരുന്ന ഷട്ടറില് പിടിച്ചു മൂത്ത കുട്ടി തൂങ്ങി നില്ക്കുകയായിരുന്നു. ഓടി ചെന്ന യുവതി കുട്ടിയെ ഭദ്രമായി താഴെ ഇറക്കി.
സമീപത്തെ സിസിടിവിയിലാണ് ഈ ദൃശ്യങ്ങള് പതിഞ്ഞത്.
https://www.facebook.com/Malayalivartha