വിമാനത്തില്‍ വിന്‍ഡോ സീറ്റ് വേണമെന്ന് ആവശ്യപ്പെട്ട് കാബിന്‍ ക്രൂവിനോട് തര്‍ക്കിച്ച യാത്രക്കാരന് ജീവനക്കാരി നല്‍കിയ മറുപടിയാണ് ഇപ്പോള്‍ സോഷ്യല്‍മീഡിയയുടെ കൈയടി നേടുന്നത്.

ജപ്പാനിലാണ് സംഭവം. ഇദ്ദേഹം വിന്‍ഡോ സീറ്റ് വേണമെന്ന് ആവശ്യപ്പെട്ട് ബഹളം വയ്ക്കുകയായിരുന്നു. എന്നാല്‍ എല്ലാ സീറ്റുകളിലും യാത്രക്കാരുണ്ടായിരുന്നതിനാല്‍ വിന്‍ഡോ സീറ്റ് ഇദ്ദേഹത്തിന് നല്‍കുവാന്‍ നിര്‍വാഹമുണ്ടായിരുന്നില്ല.

ജീവനക്കാരിയുടെ വാക്കുകള്‍ കേള്‍ക്കുവാന്‍ കൂട്ടാക്കാതിരുന്ന ഇദ്ദേഹം വിന്‍ഡോ സീറ്റ് വേണമെന്ന വാശിയില്‍ ഉറച്ചു നിന്നു.

യാത്രക്കാരനെ പറഞ്ഞു മനസിലാക്കുവാന്‍ ഒരു മാര്‍ഗവുമില്ലെന്നു മനസിലാക്കിയ ജീവനക്കാരി ഒരു പേപ്പറില്‍ അന്തരീക്ഷത്തിലെ രണ്ടു മേഘങ്ങളുടെയും താഴെ കടലിന്റേയും ചിത്രം വരച്ച് ഇദ്ദേഹം ഇരിക്കുന്ന സീറ്റിനു സമീപം പതിക്കുകയായിരുന്നു.

ചിത്രം കണ്ട യാത്രക്കാരന്‍ പിന്നീട് ഒരക്ഷരം പോലും ഉരിയാടാതെ തന്റെ സീറ്റില്‍ ഇരിക്കുവാന്‍ തയാറാകുകയും ചെയ്തു.

സോഷ്യല്‍മീഡിയയില്‍ വൈറലായിരിക്കുന്ന ഈ ചിത്രത്തിന് ഒരു പാട് അര്‍ത്ഥങ്ങളുണ്ടെന്ന് പറഞ്ഞ് നിരവധിയാളുകള്‍ രംഗത്തെത്തിയിരിക്കുകയാണ്.