താരമാതാപിതാക്കളുടെ പാതപിന്തുടര്‍ന്ന് സിനിമയിലേക്ക് എത്തുന്ന താരപുത്രന്മാരുടെയും പുത്രിമാരുടെയും എണ്ണം കുറവല്ല.

ഇപ്പോഴിതാ മനോജ് കെ ജയന്റെയും ഉര്‍വശിയുടെയും മകള്‍ തേജാലക്ഷ്മി എന്ന കുഞ്ഞാറ്റയും അഭിനയത്തില്‍ ഒട്ടും പിന്നില്‍ അല്ലെന്ന് തെളിയിച്ചിരിക്കുകയാണ്.

ടിക്ക് ടോക്കിലെ ഡബ്‌സ്മാഷിലൂടെയാണ് കുഞ്ഞാറ്റ അഭിനയമികവ് തെളിയിച്ചിരിക്കുന്നത്.

അമ്മ ഉര്‍വശിയുടെയും വല്യമ്മ കല്‍പ്പനയുടെയും ഡയലോഗുകള്‍ അനായാസമായിട്ടാണ് കുഞ്ഞാറ്റ അഭിനയിച്ചിരിക്കുന്നത്.

അച്ചുവിന്റെ അമ്മ  എന്ന ചിത്രത്തില്‍ കുഞ്ഞാറ്റയുടെ അമ്മ ഉര്‍വശിയുടെ കടുക് വറ.. കടുക് വറ ഡയലോഗും കുഞ്ഞാറ്റ നന്നായി അഭിനയിച്ച് ഫലിപ്പിച്ചിട്ടുണ്ട് .

ഇതോടൊപ്പം രജിഷ വിജയന്‍, നമിത പ്രമോദ് എന്നിവരുടെ ഡയലോഗ് രസകരമായിട്ട് തന്നെ കാണിച്ചിരിക്കുന്നു.

 ഏതായാലും കലാകുടുംബത്തിലെ ഇളതലമുറക്കാരിയും അഭിനയം ഒട്ടും മോശമാക്കിയിട്ടില്ല എന്നാണ് ടിക്ക് ടോക്ക് കണ്ടവരുടെ അഭിപ്രായം.