രുചിമികവിന് പോസ്റ്റല് ഡിപ്പാര്ട്ട്മെന്റിന്റെ അംഗീകാരം, കാപ്പിയുടെ സുഗന്ധമുള്ള സ്റ്റാമ്പ് ഇറക്കുന്നു
ബംഗളൂരുവിലെ ബസവനഗുഡിയിലെ രംഗറാവു റോഡില് 1965-ലാണ് ബ്രാഹ്മിണ്സ് കോഫി ബാര് എന്ന ഒരു ചെറിയ കട ആരംഭിച്ചത്. ഗുണമേന്മയാര്ന്ന രുചിയുടെ കാര്യത്തില് അന്നുമുതലിന്നോളം ഒരു വിട്ടുവീഴ്ചയുമുണ്ടായിട്ടില്ല.
ഈ ചെറിയ കടയില് തിരക്കൊഴിഞ്ഞ നേരമില്ല. ആവിപറക്കുന്ന ഇഡലിയും വടയും പാവ്ബാജിയുമൊക്കെ രുചിക്കാന് അന്യനാട്ടില് നിന്ന് പോലും ആളുകളെത്തുന്നു. ഇവിടത്തെ കോഫി എന്നാല് കാപ്പിയിലെ രാജാവാണെന്നാണ് ആളുകള് പറയുക. ഒരു ചെറിയ ഗ്ളാസില് ചൂടോടെ മുന്നിലെത്തുന്ന ഫില്ട്ടര് കോഫിയുടെ ആ മണം മൂക്കിലടിച്ചാല്പ്പിന്നെ ഗ്ളാസ് കാലിയാവുന്നതറിയില്ല.
പോസ്റ്റല് ഡിപ്പാര്ട്ട്മെന്റ്, 55 വര്ഷത്തെ ഈ രുചിപ്പെരുമയെ ആദരിക്കാന് തീരുമാനിച്ചിരിക്കയാണ്. അതിനായി കാപ്പിയുടെ സുഗന്ധമുള്ള സ്റ്റാമ്പ് ഇറക്കുകയാണ്. ഇത് രണ്ടാം തവണയാണ് കോഫി ഫ്ളേവറുള്ള സ്റ്റാമ്പ് പുറത്തിറക്കുന്നത്.
1973-ല് ഭൂട്ടാന് ആണ് ആദ്യമായി സുഗന്ധമുള്ള സ്റ്റാമ്പ് പുറത്തിറക്കിയത്. 2006-ലാണ് ഇന്ത്യ ആദ്യമായി ഇത്തരത്തില് സ്റ്റാമ്പ് ഇറക്കുന്നത്. ചന്ദനത്തിന്റെ മണമുള്ള സ്റ്റാമ്പ് ആയിരുന്നു അത്.
ഏതായാലും ഈ അംഗീകാരം കൊണ്ട് ബ്രാഹ്മിണ്സ് കോഫി ബാറിലേക്ക് എത്തുന്ന ഭക്ഷണപ്രേമികളുടെ എണ്ണം കൂടാനേ തരമുള്ളൂ. അന്പത്തിയഞ്ച് വര്ഷത്തെ മികവാര്ന്ന സേവനത്തിന് സ്തുത്യര്ഹമായ അംഗീകാരം ലഭിച്ചതിന്റെ സന്തോഷത്തിലാണ് ബംഗളൂരുവിലെ ബ്രാഹ്മിന്സ് കോഫി ബാര്.
https://www.facebook.com/Malayalivartha