പാട്ടും നൃത്തവും തമാശകളുമായി എന്നും വര്‍ണാഭമാണ് ബോളിവുഡ് സിനിമയിലെ വിവാഹങ്ങള്‍.വിവാഹത്തിന് മുന്നോടിയായി വടക്കേന്ത്യയിലുള്ള സംഗീത് എന്ന ചടങ്ങിന്റെ അനുകരണമാണ് സിനിമയില്‍ ചിത്രീകരിക്കുന്ന ഈ വിവാഹാഘോഷങ്ങള്‍.

ഇത്തരത്തില്‍ ബോളിവുഡിലെ സൂപ്പര്‍ ഹിറ്റ് ഗാനങ്ങള്‍ കൂട്ടിയിണക്കി വിവാഹത്തിന് മണവാട്ടിയും കൂട്ടുകാരും ചേര്ന്ന് വരനായി ഒരുക്കിയ ഒരു മാരത്തോണ്‍ നൃത്തത്തിന്റെ വീഡിയോ ആണ് സമൂഹമാധ്യമങ്ങളില്‍ ഇപ്പോള്‍ വലിയ തരംഗമായിരിക്കുന്നത്.

പതിനേഴ് മിനിട്ട് ദൈര്‍ഘ്യമുള്ള വീഡിയോയില്‍ മണവാട്ടിക്കൊപ്പം സുഹൃത്തുക്കളും ബന്ധുക്കളും മാതാപിതാക്കളും നൃത്തം ചെയ്യുന്നുണ്ട്. തുടക്കത്തില്‍ മണവാട്ടിക്ക് അല്‍പം ഭയമൊക്കെ ഉണ്ടായിരുന്നെങ്കിലും സുഹൃത്തുക്കളും വീട്ടുകാരും നൃത്തത്തില്‍ പങ്കുചേര്‍ന്നതോടെ മണവാട്ടിയുടെ പേടി മാറി ഉഷാറായി.

അറുപത്തിനാലുലക്ഷത്തിലധികം ആളുകളാണ് ഇതിനോടകം ഈ വീഡിയോ കണ്ടുകഴിഞ്ഞിരിക്കുന്നത്.