പെരുമ്പാമ്പിന്റെ പിടിയില്‍ പെട്ടാല്‍ പിന്നെ ജീവനോടെ കാണണമെങ്കില്‍ അതിന്റെ വയറ്റില്‍ തന്നെ തപ്പണം എന്നതാണ് അവസ്ഥ എന്നത് എല്ലാവര്‍ക്കും അറിയാം. എന്നാല്‍ ബ്രസീലില്‍ നിന്ന് പുറത്ത് വന്ന ഈ വീഡിയോ കണ്ടു നോക്കൂ. വേല വേലായുധനോടു വേണ്ട എന്ന് പെരുമ്പാമ്പിനോടു പറയുന്ന ഒരു മുള്ളന്‍പന്നിയെ കുറിച്ച് അറിയാന്‍ പറ്റും.

ഇപ്പോള്‍ സോഷ്യല്‍ മീഡിയയില്‍ വൈറലാകുന്ന വീഡിയോ ആണിത്. മുള്ളന്‍പന്നിയെ വിഴുങ്ങാന്‍ ശ്രമിച്ച പെരുമ്പാമ്പിനു കിട്ടിയ മുട്ടന്‍ പണിയാണ് ചര്‍ച്ചയാകുന്നത്. മുള്ളന്‍പന്നിയെ വരിഞ്ഞുമുറുക്കി കൊല്ലാന്‍ പെരുമ്പാമ്പ് ശ്രമിച്ചപ്പോള്‍ ജീവന്‍ രക്ഷിക്കാന്‍ മുള്ളന്‍പന്നി പാമ്പിന് നേരെ ആക്രമണം നടത്തുകയായിരുന്നു.

മുള്ളന്‍ പന്നി തിരിച്ച് ആക്രമണം നടത്തിയതോടെ പെരുമ്പാമ്പിന്റെ ശരീരം മുഴുവന്‍ മുള്ളുകള്‍ തറയ്ക്കുകയായിരുന്നു. ശരീരം മുഴുവന്‍ മുള്ളുകള്‍ തറച്ച പാമ്പ് പിടയുന്ന വീഡിയോയാണ് പുറത്ത് വന്നിരിക്കുന്നത്. ആ പാമ്പിന്റെ ചീത്ത ദിവസമായിരുന്നു അതെന്നാണ് സോഷ്യല്‍ മീഡിയയില്‍ ഒരാള്‍ പ്രതികരിച്ചത്.