19 കാരിയുടെ കന്യകാത്വം വിറ്റുപോയത് 17 കോടി രൂപയ്ക്ക്; കൂടിയ രണ്ടാമത്തെ തുക വാഗ്ദാനം ചെയ്തത് ഹോളിവുഡ് നടന്
കന്യകാത്വം ലേലം ചെയ്ത് വന് തുകകള് നേടിയെടുക്കുകയെന്നത് പുതിയൊരു പ്രവണതയാണ്. യുഎസിലെ ഗിസെല്ലെ എന്ന 19-കാരി മോഡല് ഇത്തരത്തില് കന്യകാത്വം ലേലം ചെയ്തപ്പോള് ദുബൈയിലെ ബിസിനസുകാരന് ഓഫര് ചെയ്തിരിക്കുന്നത് 33 ദശലക്ഷം പൗണ്ടാണെന്ന ഞെട്ടിപ്പിക്കുന്ന റിപ്പോര്ട്ട് പുറത്ത് വന്നു. ഇന്ത്യന് രൂപ 16.9 കോടി വരും.
ഒരു ഹോളിവുഡ് നടനാണ് രണ്ടാമത് ഏറ്റവും വലിയ തുക വാഗ്ദാനം ചെയ്തിരിക്കുന്നത്. ഇദ്ദേഹം 2.1 മില്യണ് പൗണ്ടാണ് വാഗ്ദാനം ചെയ്തിരിക്കുന്നത്. ജര്മനി കേന്ദ്രീകരിച്ച് പ്രവര്ത്തിക്കുന്ന കുപ്രസിദ്ധ വെബ്സൈറ്റായ സിന്ഡ്രെല്ല എസ്കോര്ട്സിലൂടെയാണ് ഗിസെല്ലെ തന്റെ കന്യകാത്വം ലേലത്തിന് വച്ചിരുന്നത്.
ഇതിലൂടെ തന്റെ സ്വപ്നം സഫലമാകാന് പോകുന്നുവെന്നും ഈ പണം തന്റെ കോളജ് ഫീസ് കൊടുക്കാനും പുതിയൊരു വീട് വാങ്ങാനും ലോകം ചുറ്റാനും ഉപയോഗിക്കുമെന്നും യുവതി വെളിപ്പെടുത്തുന്നു. ഇത്രയും തുക ലേലത്തിലൂടെ ലഭിക്കുമെന്ന് താന് സ്വപ്നത്തില് പോലും വിചാരിച്ചിരുന്നില്ലെന്നാണ് ഗിസെല്ലെ പറയുന്നത്. സ്ത്രീകള് തങ്ങളുടെ കന്യകാത്വം വില്ക്കുന്നതിനെതിരെ ഉയര്ന്ന് വന്ന പ്രതിഷേധം കണ്ട് താന് ഞെട്ടിപ്പോയെന്നും യുവതി പറയുന്നു. ഇതൊരു വിമോചനമാണെന്നും തന്റെ ശരീരവുമായി ബന്ധപ്പെട്ട് എന്ത് ചെയ്യാനും സ്ത്രീക്ക് സാധിക്കേണ്ടതുണ്ടെന്നും വിമര്ശകരെ പേടിച്ച് കൊണ്ടുള്ള ഒരു ലൈംഗിക ജീവിതം തനിക്ക് അസാധ്യമാണെന്നും ഗിസെല്ലെ പ്രതികരിക്കുന്നു.
താന് കന്യകാത്വം വില്ക്കാന് തീരുമാനിച്ചതിനു ശേഷമാണ് സിന്ഡ്രെല്ല എസ്കോര്ട്സ് എന്ന വെബ്സൈറ്റിനെക്കുറിച്ച് താന് അറിഞ്ഞതെന്നാണ് ഗിസെല്ലെ വെളിപ്പെടുത്തുന്നത്. എന്നാല് ഒരു ഏജന്സിയിലൂടെ കന്യകാത്വം വില്ക്കുന്നതായിരിക്കും സുരക്ഷിതമെന്ന് താന് തീരുമാനിച്ചിരുന്നുവെന്നും യുവതി പറയുന്നു. 2016-ല് അലക്സാണ്ട്ര ഖെഫ്റെന് എന്ന 18 കാരി റൊമാനിയന് മോഡല് കന്യകാത്വം 2 മില്യണ് പൗണ്ടിന് വിറ്റതോടെ സിന്ഡ്രല്ല ലോകപ്രശസ്തമായിരുന്നു. ഹോംഗ് കോംഗിലെ പേര് വെളിപ്പെടുത്താത്ത ഒരു ബസിസനുകാരനായിരുന്നു ഇത്രയും തുക നല്കിയത്.
ഇത്തരത്തില് ലഭിക്കുന്ന തുകയുടെ 20 ശതമാനം ഈ വെബ്സൈറ്റിന് ഫീസായി നല്കണമെന്നതാണ് വ്യവസ്ഥ. 27-കാരനായ ജാന് സകോബില്സ്കിയാണ് ഈ വെബ്സൈറ്റിന്റെ ഉടമ. സ്ത്രീകളുടെ കന്യകാത്വം വളരെ പഴയ വൈനിനോ അല്ലെങ്കില് ആഡംബരകാറിനോ സമാനം അമൂല്യമാണെന്നാണ് ഇദ്ദേഹം അഭിപ്രായപ്പെടുന്നത്. വെര്ജിനിറ്റി വില്ക്കുന്നതിന്റെ കാരണങ്ങള് ലോകമാകമാനമുള്ള യുവതികള് വിവരിക്കുന്ന വീഡിയോ തങ്ങളുടെ വെബ്സൈറ്റില് കാണാമെന്നാണ് ഇതിന്റെ വക്താവ് വെളിപ്പെടുത്തുന്നത്.
https://www.facebook.com/Malayalivartha
