വിക്ടോറിയ സീക്രട്ട് റാമ്പില് ചുവട് പിഴച്ച മോഡല് നിലതെറ്റി ഫ്ളോറില്,എങ്കിലും പിന്നാലെ നടന്നതിന് കൈയടിക്കാതെ വയ്യാ.!
ഇതാണ് യഥാര്ത്ഥ മോഡല്!ലോകത്തിനും, അപ്രതീക്ഷിത വീഴ്ചകളിലും തളരുന്നവര്ക്ക് മാതൃകയാക്കാവുന്നവള്. ലോകത്തെ ഒന്നാം നമ്പര് മോഡലുകള് ചുവടുവെയ്ക്കുനന്ന വിക്ടോറിയാസ് സീക്രട്ട് ഫാഷന്ഷോ റാമ്പില് അടിതെറ്റി ചൈനീസ് മോഡല് നിലത്തുവീണു. കണ്ണു തുറന്നിരുന്ന ക്യാമറയുടെയും, കാണികളുടെയും മുന്നിലാണ് ഷി മെന്ജിയോയുടെ ചുവടുകള് പിഴച്ചത്.
റാംപിനു മുന്നിലുള്ള തന്റെ വീഴ്ചയില് എന്നാല് മോഡലിന്റെ ആ നിറഞ്ഞ ചിരി മാഞ്ഞില്ല. പെട്ടെന്ന് തന്നെ എഴുന്നേറ്റു, പുഞ്ചിരി മായാതെ റാംപ്വോക്ക് തുടര്ന്നു. മോഡലിന്റെ ആത്മവിശ്വാസം കാണികളുടെ മനസു കവരുകയും ചെയ്തു. ആ ആത്മവിശ്വാസത്തിന് നിറഞ്ഞ കൈയ്യടികളായിരുന്നു കാണികള് നല്കിയത്. തൊട്ടു പുറകിലെത്തിയ മോഡലും ലോകത്തിനു മോഡലായി.
ഷിമെന്ജിയോയെ താങ്ങി എഴുന്നേല്ക്കാന് സഹായിച്ചത് പിന്നാലെ എത്തിയ ബ്രസീലിയന് മോഡലായ ഗിസെല ഒലിവേറിയയാണ്. വീഡിയോ സാമൂഹ്യമാധ്യമങ്ങളില് വൈറലാകുകയാണ്. ചൈനീസ് സമൂഹമാധ്യമങ്ങളിലും വീഡിയോ വൈറലായതോടെ മോഡല് ക്ഷമാപണം നടത്തി. നിരാശരാക്കിയതില് ദു:ഖമുണ്ടെന്നും, പിന്തുണച്ച എല്ലാവരോടും നന്ദി പറയുന്നുവെന്നും ഷിമെന്ജിയോ പറഞ്ഞു.
https://www.facebook.com/Malayalivartha
