എത്ര കടപ്പെട്ടവളാണ് ഞാൻ… ദൈവം എനിക്കൊരു രത്നത്തെ തന്നിരിക്കുന്നു’; ‘എത്ര ദൈവാനുഗ്രഹമുള്ള സ്ഥലം, ഇവിടെ വച്ചാണ് എല്ലാം തുടങ്ങിയത്... ദൈവം നമ്മൾക്കായി കാത്തുവച്ചതെന്തെന്ന് എന്തെന്ന് നമുക്കറിയില്ലല്ലോ… എന്നെ വിശ്വസിക്കൂ, നമുക്ക് ഏറ്റവും നല്ലത് കിട്ടും' തന്റെ പ്രണയത്തെ കുറിച്ച് തുറന്ന് പറഞ്ഞ് സൗഭാഗ്യ
സോഷ്യൽ മീഡിയ യിൽ ഡബ്മാഷ് റാണിയായി അറിയപ്പെടുന്ന നർത്തകിയാണ് സൗഭാഗ്യ വെങ്കിടേഷ് . സൗഭാഗ്യ ചെയ്യുന്ന എല്ലാ ഡബ്മാഷ് വിഡിയോകളും വൈറൽ ആയി മാറാറുണ്ട് .അന്തരിച്ച അഭിനേതാവും നർത്തകനുമായ രാജാറാമിന്റെയും മലയാള സിനിമയിലെ മുത്തശ്ശി നടിയായ സുഭലക്ഷ്മിയുടെ മകളും നടിയും നർത്തകിയും ആയ നർത്തകിയുമായ താരാകല്യാണിന്റെയും മകളാണ് സൗഭാഗ്യ.സാധാരണയിൽ നിന്ന് വ്യത്യസ്തമായി ഡബ്മാഷിൽ ഡയലോഗ് പ്രസന്റേഷനോടൊപ്പം തന്നെ മേക്കപ്പും ലുക്കും ഒക്കെ കൃത്യമായി ചെയ്തതിനു ശേഷമാണു വീഡിയോ ചിത്രീകരിക്കുന്നത്. മനോരമ ന്യൂസ് ഡോട്ട് കോമിന്റെ 2018 ലെ സോഷ്യൽ മീഡിയ സ്റ്റാർ കോണ്ടെസ്റ്റിലെ പന്ത്രണ്ടു പേരിൽ ഒരാൾ ആയി തെരഞ്ഞെടുക്കപ്പെട്ടിരുന്നു. ഹാസ്യ നടൻ സലീം കുമാറിന്റെ കിടിലൻ കോമഡി സീനുകളാണ് പ്രധാനമായും സൗഭാഗ്യ അവതരിപ്പിക്കുന്നത്. അത് കൊണ്ട് തന്നെ ലേഡി സലീം കുമാർ എന്ന വിളിപ്പേരും സോഷ്യൽ മീഡിയയിൽ സൗഭാഗ്യക്കുണ്ട് . ഇപ്പോഴിതാ സൗഭാഗ്യ വെങ്കിടേഷിന്റെ വരൻ ആരെന്ന് ചോദ്യത്തിന് ഉത്തരം നൽകി താരം. സമൂഹ മാധ്യമത്തിലൂടെയാണ് വാർത്ത സൗഭാഗ്യ ആരാധകരുമായി പങ്കുവച്ചത്. നടിയും നർത്തകിയുമായ താര കല്യാണിന്റെ മകളാണ് സൗഭാഗ്യ. നേരത്തെ തന്നെ വിവാഹിതയാകുകയാണ് എന്ന വിവരം സൗഭാഗ്യയും അമ്മയും പ്രേക്ഷകരെ അറിയിച്ചിരുന്നു. സുഹൃത്തായ അർജുൻ സോമശേഖറാണ് വരൻ. ഇരുവരും ചേർന്ന് ദീപങ്ങൾ തെളിഞ്ഞ പത്മനാഭസ്വാമി ക്ഷേത്രത്തിന് മുന്നിൽ നിൽക്കുന്ന ചിത്രവും താരം പങ്കുവച്ചു. നൃത്ത വേഷത്തിൽ സുന്ദരിയായാണ് സൗന്ദര്യ ചിത്രത്തിൽ പ്രത്യക്ഷപ്പെട്ടിരിക്കുന്നത്. എത്ര കടപ്പെട്ടവളാണ് ഞാൻ… ദൈവം എനിക്കൊരു രത്നത്തെ തന്നിരിക്കുന്നു’ എന്നും ‘എത്ര ദൈവാനുഗ്രഹമുള്ള സ്ഥലം, ഇവിടെ വച്ചാണ് എല്ലാം തുടങ്ങിയത്. ദൈവം നമ്മൾക്കായി കാത്തുവച്ചതെന്തെന്ന് എന്തെന്ന് നമുക്കറിയില്ലല്ലോ… എന്നെ വിശ്വസിക്കൂ, നമുക്ക് ഏറ്റവും നല്ലത് കിട്ടും. പത്മനാഭസ്വാമി തമ്പുരാൻ ശരണം’ എന്നുമാണ് ചിത്രങ്ങളുടെ അടിക്കുറിപ്പ്. ആദ്യ കാലങ്ങളിൽ സൗഭാഗ്യയും അമ്മ താര കല്യാണും ഒരുമിച്ചും അല്ലാതെയുമായിരുന്നു ടിക് ടോക് വീഡിയോസിൽ പ്രത്യക്ഷപ്പെട്ടതെങ്കിൽ, അടുത്തകാലങ്ങളിൽ അർജുനും ഒരുമിച്ചുള്ള ടിക് ടോക് വീഡിയോകൾ ആയിരുന്നു താരം സോഷ്യൽ മീഡിയയിൽ പോസ്റ്റ് ചെയ്തിരുന്നത്. അന്നുമുതൽ ആരാണ് ഈ അർജുൻ എന്ന രീതിയിൽ പ്രേക്ഷകർ ചോദ്യങ്ങൾ ഉന്നയിച്ചിരുന്നെങ്കിലും താരം കൂടുതലൊന്നും പങ്ക് വച്ചിരുന്നില്ല. എന്നാൽ അടുത്തിടെയാണ് താൻ വിവാഹിതയാകാൻ പോകുന്നുവെന്ന് സൂചന സൗഭാഗ്യ നൽകുന്നത്. തനിക്ക് ഇഷ്ടപെട്ട ആളെ നൽകിയതിന് അമ്മയ്ക്ക് നന്ദി പറഞ്ഞുകൊണ്ടായിരുന്നു വിവാഹനിശ്ചയ ഫോട്ടോകൾ താരം സോഷ്യൽ മീഡിയയിലൂടെ പങ്കിട്ടത്. ദീർഘകാലമായി പ്രേക്ഷകർ ആവശ്യപെട്ട ചില ചോദ്യങ്ങൾക്കുള്ള ഉത്തരം നൽകുകയാണ് സൗഭാഗ്യ. സോഷ്യൽ മീഡിയയിൽ സജീവമായ സൗഭാഗ്യ ഇപ്പോൾ ഇൻസ്റ്റയിലൂടെയാണ് പ്രതികരണം നടത്തിയിരിക്കുന്നത്. എത്ര വർഷമായി നിങ്ങൾ തമ്മിൽ പ്രണയം ആരംഭിച്ചിട്ട് എന്നായിരുന്നു ഒട്ടുമിക്ക പ്രേക്ഷകരും താരത്തോട് ചോദിച്ചത്. രണ്ടുവർഷമായി ഇരുവരും തമ്മില്ലുള്ള പ്രണയം ആരംഭിച്ചിട്ട് എന്നാണ് താരത്തിന്റെ മറുപടി. വിവാഹം ഉടൻ ഉണ്ടാകുമെന്നും, സന്തോഷത്തിന്റെ ഏറ്റവും വലിയ നിർവ്വചനങ്ങൾ അർജുൻ സോമശേഖരനും, താര കല്യാണും ആണെന്നും താരം വ്യക്തമാക്കി. കൂടാതെ അർജുനെ എന്ത് കൊണ്ട് സ്നേഹിച്ചു എന്നതിനും താരം ഉത്തരം നൽകി. അദ്ദേഹത്തിന്റെ പേര് എന്താണ് സൂചിപ്പിക്കുന്നത് അതാണ് അദ്ദേഹം. ബോൾഡായ ബ്രേവ് ആയ, ബുദ്ധിയുള്ള, പ്രശംസ അർഹിക്കുന്ന ആളാണ് അദ്ദേഹം. അത് തന്നെയാണ് താൻ അദ്ദേഹത്തെ സ്നേഹിക്കാൻ കാരണവും. അഞ്ചാം ക്ളാസിൽ പഠിക്കുമ്പോൾ മുതൽ അർജുനെ പരിചയം ഉണ്ടെന്നും, അപ്പോൾ ഒന്നും തോന്നിയില്ല, ഇപ്പോൾ തോന്നി. താൻ ആണ് ആദ്യം പ്രൊപ്പോസ് ചെയ്തത്. വിവാഹം കഴിഞ്ഞാൽ ആദ്യം അർജുനും ഒന്നിച്ചു മൂകാംബികയിൽ പോകാൻ ആണ് താത്പര്യമെന്നും സൗഭാഗ്യ വെങ്കിടേഷ് പറയുന്നു.
https://www.facebook.com/Malayalivartha