ടിക്ക് ടോക്കിലൂടെ പരിചയപ്പെട്ട യുവാവുമായി അടങ്ങാനാകാത്ത പ്രണയം... മൂത്ത കുട്ടിയെ വീട്ടില് നിര്ത്തി! ഇളയ രണ്ട് കുട്ടികളുമായി ടിക്ക് ടോക്കിലൂടെ പരിചയപ്പെട്ട കാമുകനുമായി തിരുവനന്തപുരത്തുനിന്നും മുങ്ങിയ വീട്ടമ്മയെ പൊക്കിയത് ബംഗ്ലാദേശ് അതിര്ത്തിയില് നിന്നും... പിന്നെ സംഭവിച്ചതൊക്കെ ഒരു ഒന്നൊന്നര പുകിലാ....
കഴിഞ്ഞ ദിവസമായിരുന്നു സംഭവം പുറത്തായത്. ടിക്ക് ടോക്കിലൂടെ പരിചയപ്പെട്ട കാമുകനുമായി നാടുവിട്ട വീട്ടമ്മയെ ബംഗ്ലാദേശ് അതിര്ത്തിയില് നിന്ന് വിതുര പോലീസ് കണ്ടെത്തി. വിതുര സ്വദേശിനിയായ വീട്ടമ്മയേയും ഈരാറ്റുപേട്ട സ്വദേശിയായ സുബൈറിനെയും ബംഗ്ലാദേശ് അതിര്ത്തിയായ പശ്ചിമബംഗാളിലെ മൂര്ഷിദാബാദില് നിന്നും പോലീസ് പിടികൂടി നാട്ടിലെത്തിച്ചു. ഭാര്യയെയും കുട്ടികളെയും കാണാനില്ലെന്ന ഭര്ത്താവിന്റെ പരാതിയെ തുടര്ന്നാണ് പോലീസ് അന്വഷണം തുടങ്ങിയത്. കഴിഞ്ഞ ആറിന് മൂത്ത കുട്ടിയെ വീട്ടില് നിര്ത്തി ഇളയ രണ്ട് കുട്ടികളുമായി യുവതി വീട്ടില് നിന്നിറങ്ങുകയായിരുന്നു. തിരുവനന്തപുരം ബീമാപള്ളിയില് കാത്തുനിന്ന കാമുകനുമായി ആദ്യം വിജയവാഡയിലെത്തിയെങ്കിലും പോലീസ് പിന്തുടരുന്നു എന്ന് മനസിലായപ്പോള് അന്വേഷണം വഴിതെറ്റിക്കാന് സുഹൃത്തിനെ മൊബൈല് ഫോണ് ഏല്പ്പിച്ച് മുങ്ങുകയായിരുന്നു. പിന്തുടര്ന്നു വന്ന പോലീസ് സംഘം ഇവരുമായി ബന്ധമുള്ള എല്ലാ നമ്ബരുകളും സൈബര് സെല്ലിന്റെ സഹായത്തോടെ നിരീക്ഷിച്ചുവരുകയായിരുന്നു. തുടര്ന്ന് പശ്ചിമ ബംഗാളില് നിന്ന് മൊബൈല് ടവര് ലൊക്കേഷന് പോലീസിനു ലഭിച്ചിരുന്നു. തുടര്ന്ന് ബംഗ്ലാദേശ് അതിര്ത്തിയിലെ ദംഗല് പോലീസ് സ്റ്റേഷന് ഇന്സ്പെക്ടറിന്റെ സഹായത്തോടെ ഇരുവരെയും കണ്ടെത്തിയത്. മേസ്തിരിയായ കാമുകന് കീഴില് ജോലിചെയ്യുന്ന ദംഗല് സ്വദേശിയുടെ വീട്ടിലാണ് ഇവര് ഒളിച്ചുകഴിഞ്ഞത്. വിതുര എസ്ഐ എസ്.എല്.സുധീഷിന്റെ നേതൃത്വത്തിലുള്ള പോലീസ് സംഘമാണ് ഇവരെ കണ്ടെത്തിയത്. സിപിഓമാരായ ബിജു,ജവാദ് ,സൈബര് സെല് അംഗങ്ങളായ ഹരിമോന്, വി.എച്ച്.മനു എന്നിവരുടെ നേതൃത്വത്തിലായിരുന്നു അന്വേഷണം. പോലീസ് എത്തിയതറിഞ്ഞ് നാട്ടുകാര് സംഘടിച്ചതോടെ ഏറെ പണിപ്പെട്ടാണ് ഇരുവരെയും കണ്ടെത്തിയതെന്ന് പോലീസ് പറഞ്ഞു.
https://www.facebook.com/Malayalivartha