കഴിഞ്ഞയാഴ്ച നടന്ന സാക്ഷിവിസ്താരത്തിന്റെ തുടര്ച്ചയായി താര നിരകൾ വീണ്ടും കോടതിയിലേക്ക്... ഇനി കോടതിയിലെത്തുക മഞ്ജുവും കുഞ്ചാക്കോ ബോബനും അടക്കമുള്ള താരനിര! പ്രതി ദിലീപിനെതിരായ ഗൂഢാലോചനാക്കുറ്റം തെളിയിക്കുന്നതിന്റെ ഭാഗമായിട്ടാണ് മൊഴി രേഖപ്പെടുത്തുന്നത്; കേസില് നിര്ണായകം
ദിലീപ് പ്രതി പട്ടികയിൽ ഉൾപ്പെട്ടിട്ടുള്ള നടിയെ തട്ടിക്കൊണ്ടുപോയി ആക്രമിച്ച കേസില് സാക്ഷിവിസ്താരം ഇന്ന് പുനരാരംഭിക്കും. കഴിഞ്ഞയാഴ്ച നടന്ന സാക്ഷിവിസ്താരത്തിന്റെ തുടര്ച്ചയാണ് ഇന്ന് ആരംഭിക്കുന്നത്. കേസില് നിര്ണായക സാക്ഷികളായ നടി മഞ്ജു വാര്യരും കുഞ്ചാക്കോ ബോബനും അടക്കമുള്ള താരങ്ങളാണ് വരും ദിനങ്ങളില് കോടതിയില് എത്തുക. നടിയുമായി അടുത്ത സൗഹൃദം സൂക്ഷിക്കുന്നവരും സിനിമാ രംഗത്തുള്ളവരുമായ ഗീതു മോഹന്ദാസ് സംയുക്ത വര്മ്മ എന്നിവരും ഈ ദിവസങ്ങളില് കോടതിയില് മൊഴി നല്കാനെത്തും. മഞ്ജു വാര്യര്, സിദ്ദിഖ്, ബിന്ദു പണിക്കര് എന്നിവര് നാളെയും ഗീതു മോഹന് ദാസ്, സംയുക്ത വര്മ്മ, കുഞ്ചാക്കോ ബോബന് എന്നിവര് 28നും മൊഴി നല്കാന് എത്തും. 29-ാം തിയതി ശനിയാഴ്ച ശ്രീകുമാര് മേനോനും അടുത്ത മാസം 4ന് റിമി ടോമിയും മൊഴി നല്കാന് എത്തും. പ്രതി ദിലീപിനെതിരായ ഗൂഢാലോചനാക്കുറ്റം തെളിയിക്കുന്നതിന്റെ ഭാഗമായിട്ടാണ് മൊഴി രേഖപ്പെടുത്തുന്നത്. കേസിലെ മുഖ്യപ്രതിയായ സുനില്കുമാര് എന്ന പള്സര് സുനി കുറ്റകൃത്യത്തിനുശേഷം കോയമ്ബത്തൂരില് തങ്ങിയ താവളത്തിനുസമീപത്തെ നാലുപേരെയാണ് കോടതി കഴിഞ്ഞയാഴ്ച വിസ്തരിച്ചത്. ഇവര് പ്രതിയെ തിരിച്ചറിഞ്ഞിരുന്നു. ഇതിനുപുറമേ സുനിയുടെ കൂട്ടുപ്രതി മണികണ്ഠനെ മറ്റ് ചില സാക്ഷികള് തിരിച്ചറിഞ്ഞിട്ടുണ്ട്. മണികണ്ഠന് മൊബൈല്ഫോണ് വാങ്ങിയ കടക്കാരന്, സ്വര്ണമാല പണയപ്പെടുത്തിയ ധനകാര്യസ്ഥാപനത്തിന്റെ ഉടമ എന്നിവരാണ് പ്രതിയെ തിരിച്ചറിഞ്ഞത്. ഇവര്ക്കൊപ്പം നിര്ണായകസാക്ഷിയായ അഭിഭാഷകനെയും കോടതി കഴിഞ്ഞയാഴ്ച വിസ്തരിച്ചിരുന്നു. പള്സര് സുനി ഏല്പ്പിച്ച ദൃശ്യങ്ങള് അടങ്ങിയ മെമ്മറി കാര്ഡ്, മൊബൈല് ഫോണ് എന്നിവ മജിസ്ട്രേറ്റ് കോടതിയില് സമര്പ്പിച്ച അഭിഭാഷകനെയാണ് വിസ്തരിച്ചത്. 2017 ഫെബ്രുവരി 17-നാണു പ്രതികള് നടിയെ തട്ടിക്കൊണ്ടുപോയി ആക്രമിച്ച സംഭവം നടന്നത്.
https://www.facebook.com/Malayalivartha