പ്രക്ഷരുടെ ഇഷ്ട താരദമ്പതികളാണ് ജയറാമും പാർവതിയും. എന്നാൽ അവരെപ്പോലെ തന്നെ മക്കളും ആരാധകരുടെ ഇഷ്ട താരങ്ങളാണ്. ഇപ്പോഴിതാ മാളവിക ജയറാമിന്റെ ചിത്രങ്ങളാണ് സോഷ്യൽമീഡിയയിൽ വൈറലായി മാറുന്നത്. സിനിമയില്‍ നായികയാവാന്‍ താല്‍പര്യമുണ്ടോന്ന് ഇതുവരെ താരപുത്രി വെളിപ്പെടുത്തിയിട്ടില്ല. എന്നാല്‍ മോഡലിങ് രംഗത്ത് പ്രവര്‍ത്തിക്കുകയാണ്.

കഴിഞ്ഞ ദിവസം ഹൽദി ചിത്രങ്ങൾ പങ്കുവെച്ച് മാളവിക ജയറാം സോഷ്യൽമീഡിയയയിൽ എത്തിയിരുന്നു. മഞ്ഞ വസ്ത്രങ്ങളളാണ് മാളവിക ധരിച്ചിരിക്കുന്നത്. സോഷ്യൽ മീഡിയയിൽ ചിത്രം പ്രചരിച്ചതോടെ മാളവികയുടെ വിവാഹം കഴിഞ്ഞോ എന്ന സംശയയവുമായി ആരാധകരും എത്തിയിരുന്നു. എന്നാൽ തരാം തന്നെ അതിന് മറുപടിയുമായി എത്തി. ഒരു ടെക്‌സ്റ്റൈല്‍ ബ്രാന്‍ഡിന്റെ ബ്രൈഡല്‍ ഫോട്ടോഷൂട്ട് ആണിതെന്നും. ഫോട്ടോഷൂട്ടിന്റെ ഭാഗമായി ഹല്‍ദി-മെഹന്ദി വസ്ത്രങ്ങളണിഞ്ഞതാണെന്നും പോസ്റ്റില്‍ കുറിച്ചു.

എന്നാൽ അതിന് പിന്നാലെയാണ് ഇപ്പോൾ മറ്റൊരു പോസ്റ്റുമായി താരപുത്രി എത്തിയത്. ഇത്തവണ വിവാഹവേഷത്തിലാണ് മാളവിക എത്തിയത്. ഒപ്പം ജയറാമും ഉണ്ടായിരുന്നു. ഒരു പ്രമുഖ ജ്വല്ലറിയുടെ പരസ്യത്തില്‍ അഭിനയിക്കുകയായിരുന്നു അച്ഛനും മകളും. കുടുംബത്തോടൊപ്പം നില്‍ക്കുന്നതും കുഞ്ഞായിരുന്നപ്പോഴുള്ള മാളവികയെ മടിയില്‍ ഇരുത്തിയുള്ള ചിത്രമടക്കമുള്ള ആല്‍ബം നോക്കുന്ന ജയറാമിനെ കാണിച്ച്‌ കൊണ്ടാണ് പരസ്യം തുടങ്ങുന്നത്. 'എന്തൊരു വേഗമാണല്ലേ കാലത്തിന്. എന്റെ ചക്കിയാ.. നിങ്ങളുടെ മാളവിക. കുഞ്ഞു കൊലുസും കുലുക്കി നടന്ന കുസൃതിയില്‍ നിന്നും വലിയൊരു ജിമിക്കിക്കാരിയായി.

പെണ്‍കുട്ടികളുള്ള എല്ലാ അച്ഛന്മമാരും സ്വപ്‌നം കാണും. അവളുടെ വിവാഹം'. എന്നിങ്ങനെ പറഞ്ഞ് കൊണ്ടാണ് ജയറാം പരസ്യത്തില്‍ അഭിനയിക്കുന്നത്. മുന്നിലിരിക്കുന്ന മകള്‍ അതിവേഗം വിവാഹവേഷത്തില്‍ ആഭരണങ്ങളൊക്കെ അണിഞ്ഞെത്തുന്നത് ജയറാം ഓര്‍ത്തെടുക്കുകയാണ്. പരസ്യത്തിന്റെ ഉള്ളടക്കം മനസിലായതോടെയാണ് മാളവികയുടെ വിവാഹമാണെന്ന അഭ്യൂഹങ്ങള്‍ക്ക് അവസാനമായത്. അച്ഛനൊപ്പം ആദ്യമായി അഭിനയിക്കാന്‍ കഴിഞ്ഞ സന്തോഷം മാളവിക പങ്കുവെച്ചിരുന്നു. 'ഈ സമയം അത്ര നല്ലതല്ലെന്ന് എനിക്ക് അറിയാം. ഇതൊരു എളിയ ശ്രമം മാത്രമാണ്. നിങ്ങളുടെ എല്ലാവരുടെയും സ്‌നേഹവും പിന്തുണയും എനിക്ക് ആവശ്യമാണ്. അച്ഛനൊപ്പം അഭിനയിച്ച്‌ കൊണ്ട് തുടങ്ങാന്‍ കഴിഞ്ഞതില്‍ അതിയായ സന്തോഷത്തിലാണ് ഞാന്‍.

ഇത്തരമൊരു അവസരമൊരുക്കി തന്നവര്‍ക്കെല്ലാം ഞാന്‍ നന്ദി പറയുകയാണെന്നും മാളവിക പുറത്ത് വിട്ട കുറിപ്പില്‍ പറയുന്നു. പരസ്യ ചിത്രത്തിലാണെങ്കിലും അഭിനയത്തിലേക്ക് ചുവടുവെച്ച താരപുത്രിയ്ക്ക് ആശംസകളുമായി എത്തിയിരിക്കുകയാണ് ആരാധകര്‍. വൈകാതെ തന്നെ സിനിമയിലേക്ക് വരുമോ എന്ന ചോദ്യം വീണ്ടും ഉയരുകയാണ്. തല്‍കാലം മോഡലിങ് രംഗത്ത് സജീവമാവാനാണ് തന്റെ തീരുമാനമെന്ന് നേരത്തെ മാളവിക തന്നെ പറഞ്ഞിരുന്നു. നേരത്തെ നിരവധി ബ്രൈഡല്‍ ഫോട്ടോഷൂട്ട് നടത്തിയിരുന്നു. എല്ലാം ഒന്നിനൊന്ന് മികച്ച്‌ നില്‍ക്കുന്നതായിരുന്നു. പുതിയ പരസ്യത്തിനും ഗംഭീര വരവേല്‍പ്പാണ് ലഭിച്ചിരിക്കുന്നത്.

വിദേശത്ത് പഠനവുമായി ബന്ധപ്പെട്ട തിരക്കിലായിരുന്ന മാളവിക ബിരുദം പൂര്‍ത്തിയാക്കിയതിനു ശേഷമാണ് മോഡലിങ് രംഗത്തേക്ക് പ്രവേശിക്കുന്നത്.