അച്ഛാ മാസ്ക് ഇട് ,അല്ലെങ്കിൽ കൊറോണ പിടിക്കും എന്ന് പറഞ്ഞു അച്ഛന് മാസ്ക് എടുത്തു നൽകി അത് ധരിക്കാൻ നിർബന്ധിക്കുന്ന കുഞ്ഞു ഇഫയ ; ശ്രദ്ധേയമായി കേരളത്തിന്റെ ആരോഗ്യ മന്ത്രി കെ കെ ശൈലജടീച്ചറുടെ കൊച്ചുമകൾ ഇഫയ ജഹനാരയുടെ വീഡിയോ
കേരളം കോവിഡ് പ്രതിരോധത്തിലാണ്.കേരളത്തിന്റെ പ്രതിരോധ പ്രവർത്തനങ്ങളെ മുന്നിൽ നിന്ന് നയിക്കാൻ നമ്മുടെ ആരോഗ്യമന്ത്രി കെ കെ ശൈലജ ടീച്ചറും .എന്നാൽ ടീച്ചറിന്റെ ഈ പ്രവർത്തനങ്ങൾക്ക് ഏറ്റവും കൂടുതൽ ഐക്യ ദാർഢ്യം പ്രകടിപ്പിക്കുന്ന വേറൊരാളുണ്ട് . അങ്ങ് കണ്ണൂരിൽ .ഒരു രണ്ടര വയസുകാരി.. ഇഫയ ജഹനാര എന്ന ഇപ്പുമോൾ .ഷൈലജടീച്ചറുടെ മകനായ ലസിത് പഴശ്ശിയുടെ മകൾ . ഇപ്പുമോൾ അച്ഛനെ മാസ്ക് ധരിപ്പിക്കുന്ന വീഡിയോ ഇപ്പോൾ ശ്രദ്ധേയമാവുകയാണ്. അച്ഛാ മാസ്ക് ഇട് ,അല്ലെങ്കിൽ കൊറോണ പിടിക്കും എന്ന് പറഞ്ഞു അച്ഛന് മാസ്ക് എടുത്തു നൽകി അത് ധരിക്കാൻ നിർബന്ധിക്കുന്ന മകളുടെ വീഡിയോ ലസിത് തന്റെ ഫേസ്ബുക്കിൽ പങ്കുവെച്ചു.
മാസ്ക് ധരിക്കാൻ അച്ഛനോട് പറയുക മാത്രമല്ല ,അച്ചമ്മ കേരളത്തോട് നിർദ്ദേശിച്ച എല്ലാനിർദേശങ്ങളും പാലിക്കുന്നുമുണ്ട് ഈ കൊച്ചു മിടുക്കി. ഹാൻഡ് സാനിറ്റൈസർ ഉപയോഗിച്ച് വളരെ കൃത്യമായ രീതിയിൽ തന്റെ കൈകളെ അണുവിമുക്തമാകുന്നുണ്ട് ഇഫയ എന്ന ഇപ്പുമോൾ . കൊറോണ പ്രവർത്തങ്ങളിൽ മുഴുകിയതിനാൽ സാധാരണ തന്നെ കാണാനെത്തുന്ന ഇടവേളകളിൽ പോലും അച്ചമ്മ കണ്ണൂരിൽ വരാത്തതിൽ പരിഭവത്തിലായിരുന്ന ഇഫയ ജഹനാരയുടെ വാർത്തകൾ മുൻപും തരംഗമായിരുന്നു.
കോവിഡ് പ്രതിരോധത്തിലെ കേരള മോഡൽ ലോകം മുഴുവൻ ചർച്ച ചെയ്യുകയാണ്. കോവിഡ് പ്രതിരോധത്തിന്റെ കേരള മോഡലിനെയും ആരോഗ്യമന്ത്രിയെയും പ്രശംസിച്ച് ബ്രിട്ടിഷ് മാധ്യമം ദി ഗാർഡിയനും രംഗത്തെത്തിയിരുന്നു . റോക് സ്റ്റാർ എന്നാണ് ആരോഗ്യമന്ത്രി കെ.കെ ശൈലജയെ ലേഖനത്തിൽ വിശേഷിപ്പിച്ചിരിക്കുന്നത്. ഈ വാർത്താ രാജ്യാന്തരതലത്തിൽ ഇതിനോടകം ഒട്ടേറെ പേർ വായിച്ചു കഴിഞ്ഞു. പ്രമുഖ ബ്രിട്ടിഷ് മെഡിക്കൽ ജേണലിസ്റ്റും എഴുത്തുകാരിയുമായ ലോറ സ്പിന്നിയാണ് ലേഖനം തയാറാക്കിയത്.അതുപോലെ കോവിഡ് പ്രതിരോധത്തിൽ കേരളത്തിന്റെ നേട്ടങ്ങൾ പങ്കുവയ്ക്കാൻ ബി.ബി.സി.യിലും മന്ത്രി കെ.കെ. ശൈലജ ടീച്ചർ കേരളത്തെ പ്രതിനിധീകരിച്ചിരുന്നു.. ലോകം മുഴുവൻ കയ്യടിക്കുന്നു കേരളത്തിന്റെ ഈ ആരോഗ്യമന്ത്രിക്ക് , ടീച്ചറമ്മയ്ക്ക് , ഏതു പ്രതിസന്ധികൾക്കിടയിലും പൊരുതാനുള്ള ഊർജ്ജം പകർന്നു നൽകുന്നത് പൊതുപ്രവർത്തകനായ ഭർത്താവ് ഭാസ്കരൻ മാഷും മക്കളുമാണ്.
ഇപ്പോൾ അച്ഛമ്മയുടെ പാത പിന്തുടർന്ന് കൊച്ചുമോളും കൊറോണയെ തുരത്താൻ മുൻകരുതൽ സ്വീകരിക്കുമ്പോൾ അത് ഒരു രണ്ടര വയസുകാരിയിൽ പോലും കേരളത്തിന്റെ പ്രതിരോധ പ്രവർത്തങ്ങൾ എത്രത്തോളം സ്വാധീനിക്കുന്നു എന്നതിന്റെ ഉദാഹരണമാവുകയാണ്
https://www.facebook.com/Malayalivartha