കേരളത്തില്‍ കോവിഡ് ബാധിതരുടെ കണക്ക് പരിശോധിക്കുമ്പോള്‍ ചില കാര്യങ്ങള്‍ വ്യക്തമാണ്. കേരളത്തില്‍ മരണനിരക്ക് ദേശീയ ശരാശരിയെക്കാല്‍ വളരെ താഴെയാണ്. അതെ സമയം കഴിഞ്ഞ രണ്ടാഴ്ചയായി സമൂഹ്യ വ്യാപനം വളരെ കുടുതലുമാണ്. രോഗം റിപ്പോര്‍ട്ട് ചെയ്യുന്നതില്‍ 60 ശതമാനം പേരും രോഗലക്ഷണങ്ങള്‍ കാണിക്കുന്നില്ലെന്നാണ് ആരോഗ്യ വകുപ്പ് കഴിഞ്ഞ ദിവസം കണ്ടെത്തിയത്. ഇതിന് മുമ്പ് വന്ന റിപ്പോര്‍ട്ട് പ്രകാരം രോഗം പിടിപെടുന്നതില്‍ 70 ശതമാനം പേരും പതിനൊന്നിനും നാല്‍പ്പതിനും ഇടയില്‍ പ്രായമുള്ള കൗമരക്കാരും യുവാക്കളുമാണ്. ഇതുതന്നെയാകും രോഗവ്യാപനം വര്‍ധിക്കാനും മരണനിരക്ക് കുറയാനും കാരണമെന്നും വേണം വിലയിരുത്താന്‍. കൂടാതെ കോവിഡ് ബാധിതരല്‍ നല്ലൊരു ശതമാനം പുരുഷന്മാരാണെന്നും കണ്ടെത്തിട്ടുണ്ട്.

സാധാരണ ഗതിയില്‍ യുവാക്കളില്‍ രോഗപ്രതിരോധ കൂടുതലായിരിക്കും. ഈ സാഹചര്യത്തില്‍ വൈറസ് ശരീരത്തിലുണ്ടെങ്കിലും ലക്ഷണങ്ങള്‍ കാണിക്കുന്നത് വളരെ കുറവായിരിക്കും. അതെ സമയം തന്നെ ശരീരത്തില്‍ വൈറസുള്ളതുകൊണ്ടു തന്നെ സാമൂഹ്യ വ്യാപനത്തിന് കാരണമാകുകയും ചെയ്യും. ഒപ്പം മറ്റു രോഗങ്ങളില്ലെങ്കില്‍ മരണത്തിന്റെ സാധ്യത തന്നെയില്ല. ഇത് ഒരു കണക്കിന് ആശ്വാസവും മറ്റൊരു കണക്കിന് വെല്ലുവിളിയും തന്നെയാണ് ആരോഗ്യ വകുപ്പിന് മുന്നില്‍ വയ്ക്കുന്നത്. ഏകദേശം 0.6 ശതമാനം രോഗികള്‍ മാത്രമാണ്.
പ്രകടമായ ലക്ഷണങ്ങളില്ലാതെ കോവിഡ് സ്ഥിരീകരിക്കുന്നത് സ്ഥിതിഗതികള്‍ നിയന്ത്രണവിധേയമല്ലാത്ത സാഹചര്യത്തിലേക്ക് കൊണ്ടെത്തിച്ചേക്കാം എന്നാണ് ആരോഗ്യവിദഗ്ധര്‍ മുന്നറിയിപ്പ് നല്‍കുന്നത്. സൂപ്പര്‍ സ്‌പ്രെഡ് ഒഴിവാക്കാന്‍ സര്‍ക്കാര്‍ കൂടുതല്‍ ജാഗ്രതയോടെ പ്രവര്‍ത്തിക്കണമെന്നും ആരോഗ്യവിദഗ്ധര്‍ നിര്‍ദേശിക്കുന്നു. കോവിഡ് വായു വഴി പകരും എന്നതിനുള്ള തെളിവുകളും പുറത്തുവന്ന സാഹചര്യത്തില്‍ സാമൂഹ്യ അകലം ഉറപ്പുവരുത്താന്‍ കൂടുതല്‍ ശ്രദ്ധിക്കണമെന്നും അവര്‍ നിര്‍ദേശിക്കുന്നു.

രോഗലക്ഷണങ്ങളില്‍ ഏറ്റവും കൂടുതല്‍ കണ്ടത് തൊണ്ട വേദനയാണ്. തൊട്ടുപിന്നാലെ ചുമയും പിന്നെ പനിയും രോഗികളില്‍ കൂടുതലായി കണ്ട ലക്ഷണങ്ങളാണ്. ശരീരവേദന, തലവേദന എന്നിവ 10 ശതമാനത്തോളം രോഗികളില്‍ കണ്ടെത്തിയപ്പോള്‍ മണം തിരിച്ചറിയാന്‍ പറ്റാത്ത അവസ്ഥ, ഛര്‍ദ്ദി തുടങ്ങിയവ താരതമ്യേന കുറഞ്ഞ തോതില്‍ കാണുന്ന രോഗലക്ഷണങ്ങള്‍ ആയിരുന്നെന്നും പഠത്തില്‍ കണ്ടെത്തി. ഗുരുതരമായ രോഗലക്ഷണം പ്രകടിപ്പിച്ചവര്‍ നാല് ശതമാനത്തിനത്തോളം മാത്രമാണ് ഉണ്ടായിരുന്നത്.

ഇടപഴകുന്ന എല്ലാ സ്ഥലങ്ങളിലും ചുറ്റും രണ്ടു മീറ്റര്‍ അകലം പാലിക്കുന്നുണ്ടെന്ന് ഉറപ്പാക്കണം. ഈ സുരക്ഷിത വലയത്തില്‍ നിന്നുകൊണ്ട് മാസ്‌ക് ധരിക്കുകയും കൈകള്‍ സോപ്പ്, സാനിറ്റൈസര്‍ എന്നിവ ഉപയോഗിച്ച് അണുമുക്തമാക്കാനുമാകണം. ആള്‍ക്കൂട്ടം ഒരു കാരണവശാലും അനുവദിക്കരുത്. മരണം കുറയ്ക്കാനായത് നമ്മുടെ ജാഗ്രത മൂലമാണ്. അതുകൊണ്ട് ജാഗ്രതക്ക് ജീവന്റെ വിലയുണ്ടെന്നും മുഖ്യമന്ത്രി പറയുന്നത് ഇതുകൊണ്ടു കൂടിയാണ്.