വിവരം പുറത്ത് വിട്ടാല് കേസെടുക്കും; ചീഫ് സെക്രട്ടറിയുടെ ഭീഷണി ഉത്തരവിനെതിരെ പ്രതിഷേധം ശക്തമാകുന്നു; വിവരങ്ങള് അറിയേണ്ടത് ജനങ്ങളുടെ അവകാശമാണ്; വിവരാവകാശ നിയമം മറക്കുന്ന പിണറായി സര്ക്കാര്
സര്ക്കാര് ഫയലുകളിലെ വിശദാംശ ചോര്ന്നത് ഈ അടുത്ത കാലത്ത് സര്ക്കാരിന് വലിയ വെല്ലുവിളി സൃഷ്ടിച്ചിരുന്നു. ഫയലുകളിലെ വിവരങ്ങള് പ്രതിപക്ഷത്തിന്റെ കൈയില് കിട്ടിയതോടെ സര്ക്കാര് കോവിഡിന്റെ മറവില് നടത്താനിരുന്ന കോടികളുടെ അഴിമതിയും അനധികൃത നിമനങ്ങലുമാണ് പുറത്ത് വന്നത്. ഇത് സര്ക്കാരിനെ പ്രതിരോധത്തിലാക്കുകയും ചെയ്ത്. ഇതിനെ തുടര്ന്ന് ഫയലുകളിലെ വിശദാംശങ്ങള് ചോരുന്നത് തടയാന് കര്ശന നടപടിയാണ് സര്ക്കാര് സ്വീകരിച്ചത്. ഉത്തരവുകള് അടക്കം പുറത്തുപോയാല് അച്ചടക്ക നടപടി നേരിടേണ്ടി വരുമെന്നാണ് ഉദ്യോഗസ്ഥര്ക്കുള്ള മുന്നറിയിപ്പ്. മുഖ്യമന്ത്രിയുടെ നിര്ദ്ദേശ പ്രകാരം ചീഫ് സെക്രട്ടറി സര്ക്കുലര് ഇറക്കിരിക്കുകയാണ്. ഇതിനെതിരെ പ്രതിഷേധം ശക്തമാകുകയാണ്.
പ്രതിപക്ഷനേതവ് രമേശ് ചെന്നിത്തല പറയുന്നത് ചീഫ് സെക്രട്ടറിയുടെ ഈ ഉത്തരവ് നിയമലംഘനമെന്നാണ്. ഏതെങ്കിലുമൊരു ഫയലോ അതിലെ വിവരങ്ങളോ പുറത്ത് പോയാല് അതില് ബന്ധപ്പെട്ട ഉദ്യേഗസ്ഥര്ക്കെതിരെ ക്രിമനില് കേസും അച്ചടക്കനടപടിയും എടുക്കും എന്നാണ് എന്നാണ് ചീഫ് സെക്രട്ടറി കഴിഞ്ഞ ദിവസം പുറത്തിറക്കിയ ഉത്തരവില് പറയുന്നത്. ഈ ഉത്തരവ് തികഞ്ഞ നിയമലംഘനമാണ്. പാര്ലമെന്റ് പാസാക്കിയ വിവരാവകാശ നിയമത്തില് പറയുന്നത് ഏത് ഫയലും ജനങ്ങള്ക്ക് പ്രാപ്യമാക്കണമെന്നാണ്. ആഭ്യന്തര വകുപ്പിലെപ്പോലെ പ്രധാനപ്പെട്ട ഒന്നോ രണ്ടോ വകുപ്പിലെ അതും രാജ്യസുരക്ഷയുമായി ബന്ധപ്പെട്ട ഫയലുകളും തീവ്രവാദ പ്രവര്ത്തനങ്ങളുമായി ബന്ധപ്പെട്ട ഫയലുകളും ഒഴികെ എല്ലാ ഫയലുകളും ജനങ്ങള്ക്ക് പ്രാപ്യമാകണമെന്നാണ് നിയമം. ഈ വിവരവകാശ നിയമത്തിന്റെ വ്യക്തമായ ലംഘനമാണ് ചീഫ് സെക്രട്ടറിയുടെ ഉത്തരവെന്ന് അദ്ദേഹം പറഞ്ഞു.
മാധ്യമങ്ങളിലൂടെ കണ്സള്ട്ടന്സികളുമായി ബന്ധപ്പെട്ട നോട്ടുകളും, ജനങ്ങള് അറിഞ്ഞ കരാര് നിയമനങ്ങള് സംബന്ധിച്ചുള്ള വിവരങ്ങളും, അതിരപ്പിള്ളി പദ്ധതിയുമായി ബന്ധപ്പെട്ട നോട്ടുകളും ചോര്ന്നത് മുഖ്യമന്ത്രിയുടെ ഓഫീസിനടക്കം തിരിച്ചടി ആയിരുന്നു. ഇതോടെയാണ് ചോര്ച്ച തടയാനുള്ള നടപടികള്. രണ്ടാഴ്ചക്കകം കോവിഡ് വ്യാപനം പിടിച്ചുകെട്ടണമെന്ന് ചീഫ് സെക്രട്ടറിയുടെ കത്തും ഒടുവില് ചോര്ന്നിരുന്നു. എല്ലാ വകുപ്പ് സെക്രട്ടറിമാര്ക്കും മുഖ്യമന്ത്രിയുടെ ഓഫീസ് തന്നെ കത്ത് നല്കി. മെയില് ഒഴിവാക്കി തിരിച്ചറിയാവുന്ന കോഡോടെ കത്തായിട്ടാണ് നിര്ദ്ദേശങ്ങള് കൈമാറിയത്. വിവരങ്ങള് പുറത്തുപോകരുതെന്ന് ചീഫ് സെക്രട്ടറി മറ്റ് ഉദ്യോഗസ്ഥര്ക്കും നിര്ദ്ദേശം നല്കി. മുഖ്യമന്ത്രിയും ചീഫ് സെക്രട്ടറിയും ഒപ്പിടുന്ന ഫയലുകള് പുറത്തുപോയാല് കര്ശന നടപടിയുണ്ടാകുമെന്നാണ് മുന്നറിയിപ്പ്. ഫയലുകളും ഉത്തരവുകളും വാട്സാപ്പ് ഡോക്യുമെന്റായി മാധ്യമങ്ങള് ലഭിച്ചക്കുന്നതാണ് മുഖ്യമന്ത്രിയെ ചൊടിപ്പിച്ചത്. മുഖ്യമന്ത്രിയുടെ തന്നെ പല വാദങ്ങള് ഉത്തരവുകള് പുറത്തായതോടെ പൊളിഞ്ഞിരുന്നു.
ഫയലുകളിലെ പ്രധാനപ്പെട്ടവിവരങ്ങള് പുറത്തു പോയാല് നടപടിയെടുക്കും എന്ന് പറയാന് ആരാണ് ചീഫ് സെക്രട്ടറിയെന്നാണ് പ്രതിപക്ഷം ചോദിക്കുന്നത്. പാര്ലമെന്റ് പാസാക്കിയ വിവരാവകാശ നിയമത്തിന് എതിരായി ഉദ്യേഗസ്ഥരെ ഭീഷണിപ്പെടുത്തുകയാണോ ചീഫ് സെക്രട്ടറി. ഇവിടെ അടിയന്തിരാവസ്ഥ നിലനില്ക്കുന്നുണ്ടോ? പാര്ലമെന്റ് പാസാക്കിയ നിയമ മനുസരിച്ച് പ്രവര്ത്തിക്കേണ്ട ചീഫ് സെക്രട്ടറിക്ക് എങ്ങിനെ ഇത്തരത്തില് ഒരു ഉത്തരവ് ഇറക്കാന് കഴിയും? പത്ത് രൂപ സ്റ്റാമ്പ് ഒട്ടിച്ച് ആവശ്യപ്പെട്ടാല് മന്ത്രിസഭാ നോട്ട് അടക്കം കൊടുക്കാന് നിയമമുള്ള രാജ്യത്ത് ഇങ്ങനെ ഒരു ഉത്തരവ് ഇറക്കാന് എന്തധികാരം. അത് കൊണ്ട് ചീഫ് സെക്രട്ടറി ആ ഉത്തരവ് പിന്വലിക്കണം. സര്ക്കാരിന് എന്തോ മറയ്ക്കാന് ഇനിയുമുണ്ട് എന്നല്ലേ ഇതിനര്ത്ഥമെന്നും രമേശ് ചെന്നിത്തല ചോദിക്കുന്നു. ചീഫ് സെക്രട്ടറി സെക്രട്ടറിമാര്ക്കയച്ച കത്തിന്റെ കോപ്പി തന്നെ തന്റെ കൈയിലുണ്ട്. അതുകൊണ്ട് ധൈര്യമുണ്ടെങ്കില് തനിക്കെതിരെ കേസെടുക്കണമെന്നും അദ്ദേഹം ആവശ്യപ്പെട്ടു.
https://www.facebook.com/Malayalivartha