മുഖ്യമന്ത്രിയുടെ മാനസിക നില തകര്ന്നിരിക്കുകയാണ്... ഷോക്കടിപ്പിക്കുകയോ നെല്ലിക്കാത്തളം വെക്കുകയോ വേണം! മകള്ക്കെതിരെ ആരോപണം വരുമ്പോള് മുഖ്യമന്ത്രി പ്രകോപിതനാവുന്നത് എന്തിനാണ്... മന്ത്രിപുത്രനുമായി മാത്രമല്ല, മുഖ്യമന്ത്രിയുടെ കുടുംബവുമായും സ്വപ്ന സുരേഷിന് അടുത്ത ബന്ധമെന്ന് സന്ദീപ് വാര്യര്!
സ്വര്ണക്കടത്ത് കേസില് മുഖ്യമന്ത്രിയേയും മകളേയും ഒരുമിച്ചിരുത്തി ചോദ്യം ചെയ്യണം. സ്വപ്ന സുരേഷിന് മുഖ്യമന്ത്രിയുടെ കുടുംബവുമായി അടുത്ത ബന്ധമുണ്ടെന്ന് ബിജെപി വക്താവ് സന്ദീപ് വാര്യര്. മകള്ക്കെതിരെ ആരോപണം വരുമ്പോള് മുഖ്യമന്ത്രി പ്രകോപിതനാവുന്നത് എന്തിനാണ്. മുഖ്യമന്ത്രിയുടെ മകളെയും മരുമകനെയും അന്വേഷണ സംഘം ചോദ്യംചെയ്യണമെന്ന് തുറന്നടിച്ച് കൊണ്ട് രംഗത്തെത്തിയിരിക്കുകയാണ് സന്ദീപ് വാര്യര്. പത്രസമ്മേളനത്തിനിടയിലായിരുന്നു വെളിപ്പെടുത്തലുകൾ പുറത്ത് വിട്ടിരിക്കുന്നത്. തിരുവനന്തപുരത്തെ ഒരു ഫര്ണിച്ചര് കടയില് പോയി മുഖ്യമന്ത്രിയുടെ മകള് സ്വപ്ന സുരേഷിനൊപ്പം കല്യാണ സമ്മാനമായി ഫര്ണിച്ചറുകള് വാങ്ങിയെന്ന് സന്ദീപ് വാര്യര് ആരോപിച്ചു. മുഖ്യമന്ത്രിയുടെ മകളുടെ വിവാഹദിവസവും തലേദിവസവുമുള്ള ക്ലിഫ് ഹൗസിലെ സിസിടിവി ദൃശ്യങ്ങള് പരിശോധിച്ചാല് ഇക്കാര്യം വ്യക്തമാകുമെന്നും അദ്ദേഹം പറഞ്ഞു.
മന്ത്രിപുത്രനുമായി മാത്രമല്ല, മുഖ്യമന്ത്രിയുടെ കുടുംബവുമായും സ്വപ്ന സുരേഷിന് അടുത്ത ബന്ധമുണ്ട്. മകളുടെ വിവാഹത്തിന്റെ എഡിറ്റ് ചെയ്യാത്ത വീഡിയോ ജനങ്ങള്ക്കു മുന്നില് വെക്കാന് മുഖ്യമന്ത്രി തയ്യാറാകണം. ഇക്കാര്യങ്ങളില് മുഖ്യമന്ത്രിയുടെ മകളെ മാത്രമല്ല, മരുമകനെയും സ്വപ്ന സുരേഷിനൊപ്പമിരുത്തി ചോദ്യംചെയ്യണമെന്നും ബിജെപി വക്താവ് ആവശ്യപ്പെട്ടു.
മുഖ്യമന്ത്രിയുടെ മാനസിക നില തകര്ന്നിരിക്കുകയാണ്. ഷോക്കടിപ്പിക്കുകയോ നെല്ലിക്കാത്തളം വെക്കുകയോ വേണം. മനോനില തകര്ന്ന മുഖ്യമന്ത്രി കേരളം ഭരിക്കുന്നത് സംസ്ഥാനത്തിന് നല്ലതല്ലെന്നും സന്ദീപ് വാര്യര് പറഞ്ഞു. സ്വര്ണക്കള്ളക്കടത്തില് പങ്കില്ലെന്ന് പരിശുദ്ധ ഖുറാനില് തൊട്ട് സത്യംചെയ്യാന് കെ. ടി. ജലീല് തയ്യാറുണ്ടോയെന്നും അദ്ദേഹം ചോദിച്ചു. മതത്തെ പരിചയാക്കി ചെയ്ത തെറ്റുകളില്നിന്ന് രക്ഷപ്പെടാനാണ് ജലീല് ശ്രമിക്കുന്നത്. ഇതുപോലെ വര്ഗീയവാദിയായ മറ്റൊരു മന്ത്രിയെ കേരളം മുന്പ് കണ്ടിട്ടില്ല. ഇന്ത്യയുടെ മോചനം ഇസ്ലാമിലൂടെ എന്ന് പ്രസംഗിച്ചിരുന്ന ജലീല് അധികാരക്കൊതിമൂലം സിപിഎമ്മില് എത്തിയ ആളാണെന്നും സന്ദീപ് വാര്യര് പറഞ്ഞു.
അതേസമയം ലൈഫ് മിഷനില് മുഖ്യമന്ത്രിക്ക് കമ്മീഷനും മകള്ക്ക് അഴിമതിയില് പങ്കുമുണ്ടെന്ന കെ സുരേന്ദ്രന്റെ പരാമര്ശം ശ്രദ്ധയില്പ്പെടുത്തിയപ്പോള് ആണ് മുഖ്യമന്ത്രി ക്ഷുഭിതനായി സുരേന്ദ്രനെതിരെ രംഗത്ത് വന്നത്. ആദ്യം മൗനം പാലിച്ച മുഖ്യമന്ത്രി ആവര്ത്തിച്ചുള്ള ചോദ്യത്തെ തുടര്ന്ന് സുരേന്ദ്രനെതിരെ ആഞ്ഞടിച്ചു. അത്ര മാനസിക നില തെറ്റിയ ഒരാളെ അവരുടെ പാര്ട്ടിയുടെ അധ്യക്ഷനായി ഇരുത്തുന്നുണ്ടല്ലോ എന്ന് അവര് ആലോചിക്കേണ്ടതാണ്. അതേസമയം ബിജെപി സംസ്ഥാന അധ്യക്ഷന് കെ. സുരേന്ദ്രന് എതിരായ മുഖ്യമന്ത്രിയുടെ പരാമര്ശം അപലപനീയമെന്ന് ബിജെപി നേതാവ് എം.ടി. രമേശ് തുറന്നടിച്ചു. വ്യക്തിപരമായി ആക്രമിച്ച് സമരത്തെ അടിച്ചമര്ത്താമെന്ന് മുഖ്യമന്ത്രി കരുതേണ്ട. കോഴിക്കോട് മാധ്യമ പ്രവര്ത്തകരോട് സംസാരിക്കവേയാണ് ഇക്കാര്യം അറിയിച്ചത്. ഭീഷണിപ്പെടുത്തി സമരത്തെ ഇല്ലാതാക്കാന് ശ്രമിക്കേണ്ടെന്നും എം.ടി. രമേശ് പറഞ്ഞു.
ബിജെപി സംസ്ഥാന പ്രസിഡന്റ് കെ.സുരേന്ദ്രന്റെ മാനസിക നില തെറ്റിയെന്നും, മാനസികാവസ്ഥ തെറ്റിയ ഒരാളെ പാര്ട്ടിയുടെ അധ്യക്ഷനായി ഇരുത്തേണ്ടി വരുന്നത് ആ പാര്ട്ടി ആലോചിക്കേണ്ട കാര്യമാണെന്നും മുഖ്യമന്ത്രി കഴിഞ്ഞ ദിവസം വാര്ത്താ സമ്മേളനത്തിനിടെ കെ. സുരേന്ദ്രനെതിരെ പ്രസ്താവന നടത്തിയിരുന്നു. ഇതിനെതിരെ പ്രതികരിക്കുകയായിരുന്നു എം.ടി. രമേശ്. കെ. സുരേന്ദ്രന് വാര്ത്താ സമ്മേളനത്തിലൂടെയല്ല മറുപടി പറയുകയെന്ന് മുഖ്യമന്ത്രി പിണറായി വിജയന് പറഞ്ഞതില് ദുരൂഹതയുണ്ട്. എങ്ങനെയാണ് മറുപടി കൊടുക്കുകയെന്ന് വ്യക്തമാക്കണം. ഇങ്ങനെ പലര്ക്കും മുമ്പ് മറുപടി കൊടുത്തതിന്റെ ചരിത്രം പിണറായിക്കുണ്ട്. വെല്ലുവിളിയാണെങ്കില് ഏറ്റെടുക്കാന് ബിജെപി തയ്യാറാണ്. സുരേന്ദ്രനെ ഒറ്റ തിരിഞ്ഞ് അക്രമിക്കാന് അനുവദിക്കില്ലെന്നും എം.ടി. രമേശ് പറഞ്ഞു.
ഭീഷണിയുടെ രൂപത്തിലാണ് മുഖ്യമന്ത്രി കഴിഞ്ഞ ദിവസത്തെ വാര്ത്താ സമ്മേളനത്തില് സംസാരിച്ചത്. സുരേന്ദ്രന് ഉന്നയിച്ചത് ബിജെപി ചോദിക്കുന്ന കാര്യങ്ങളാണ്. അതിന് മറുപടി പറയുകയാണ് മുഖ്യമന്ത്രി ചെയ്യേണ്ടത്. പകരം ഭീഷണി വേണ്ട. ഇങ്ങനെ ഒരാളെ മുഖ്യമന്ത്രി സ്ഥാനത്ത് ഇരുത്തണമോയെന്ന് സിപിഎം ചിന്തിക്കണം.ബിജെപി പ്രസിഡന്റിനെക്കുറിച്ച് ഞങ്ങള് അന്വേഷിച്ചോളാം. മുഖ്യമന്ത്രി കെ. സുരേന്ദ്രന്റെ മാനസിക നിലയെക്കുറിച്ച് വേവലാതിപ്പെടേണ്ടതില്ല. സ്വന്തം മാനസികാവസ്ഥയെക്കുറിച്ച് വേവലാതി പെടുകയാണ് വേണ്ടത്. കെ സുരേന്ദ്രനെതിരേ മുഖ്യമന്ത്രി നടത്തിയ പ്രസ്താവന പ്രതിഷേധാര്ഹമാണെന്നും എം.ടി. രമേശ് കൂട്ടിച്ചേര്ത്തു.
https://www.facebook.com/Malayalivartha