തെരഞ്ഞെടുപ്പില് മല്സരിക്കാതെ പഞ്ചായത്തംഗമായ അന്നമ്മ!
കാസര്കോഡ് ജില്ലയിലെ കോടോം ബേളൂര് പഞ്ചായത്തിലേക്ക് 1964-ല് തിരഞ്ഞെടുപ്പിനെ നേരിടാതെ പഞ്ചായത്തംഗമായ ഓര്മകള് പങ്കുവയ്ക്കുകയാണ് പടിമരുത് അമ്പേയത്തടി അരിപ്പ്നീരിലെ 86 വയസ്സുള്ള അന്നമ്മ മാത്യു.
പഞ്ചായത്ത് പ്രസിഡന്റിന്, പഞ്ചായത്തില് വനിതാ പ്രാതിനിധ്യം തികയ്ക്കാന് ഭരണ സമിതിയുടെ അനുവാദത്തോടെ അന്ന് നാമ നിര്ദേശം നടത്താമായിരുന്നു. ബേളൂര് പട്ടേലര് എന്നറിയപ്പെട്ടിരുന്ന പരേതനായ ബി.എം.കുഞ്ഞമ്പു നായരായിരുന്നു അന്ന് പ്രസിഡന്റ്. അവിഭക്ത കമ്യൂണിസ്റ്റ് പാര്ട്ടി പ്രതിനിധിയായി ടി.കെ.ശ്രീധരനും ഭരണസമിതിയില് ഉണ്ടായിരുന്നു. ഭരണ സമിതിയിലെ കോണ്ഗ്രസ്-കമ്യൂണിസ്റ്റ് കക്ഷികള് ഐകകണ്ഠ്യേന എസ്എസ്എല്സി വിദ്യാഭ്യാസം ഉണ്ടായിരുന്ന അന്നമ്മ മാത്യുവിനെ വനിതാ പ്രതിനിധിയായി നാമനിര്ദേശം ചെയ്യുകയായിരുന്നു.
16 വര്ഷം ് അന്നമ്മ പഞ്ചായത്തംഗമായിരുന്നു. പ്രതിസന്ധികള് ഏറെ ഉണ്ടായിരുന്നെങ്കിലും പഞ്ചായത്തംഗമായ കാലയളവില് പടിമരുത്-ചക്കിട്ടടുക്കം റോഡ് വികസനത്തിന് നാന്ദി കുറിക്കാനായതില് അന്നമ്മയ്ക്ക് ഇന്നും അഭിമാനമാണ്. ഇതിന് ഭര്ത്താവ് കരുന്തോളില് മാത്യുവും കൂടെ നിന്നു.
https://www.facebook.com/Malayalivartha