സിനിമസീരിയല്‍ രംഗത്ത് ശ്രദ്ധേയയായ താരമാണ് നടി ശരണ്യ. ഛോട്ട മുംബൈ, തലപ്പാവ്, ബോംബെ മാര്‍ച്ച്‌ 12 എന്നീ ചിത്രങ്ങളിലൂടെയും സീരിയലുകളിലൂടെയും മലയാളികളുടെ മനസ് കവര്‍ന്ന ശരണ്യയുടെ ജീവിതത്തിലേക്ക് ബ്രെയിന്‍ ട്യൂമര്‍ വില്ലനായി എത്തുകയായിരുന്നു.

ട്യൂമറുമായുള്ള പോരാട്ടത്തില്‍ വിജയം നേടിയ ശരണ്യയ്ക്ക് ലോകമെമ്ബാടുമുള്ള നിരവധി മലയാളികളുടെ സമ്മാനമായിരുന്നു സ്വന്തമായി ഒരു വീട്.

ഇപ്പോള്‍ പതുക്കെ ജീവിതത്തിലേക്കുള്ള തിരിച്ചു വരവിന്റെ പാതയിലാണ് ശരണ്യ. അടുത്തിടെയാണ് താരം ഒരു യൂട്യൂബ് ചാനല്‍ ആരംഭിച്ചത്. Ctiylights- Saranya's Vlog എന്നാണ് യൂട്യൂബ് ചാനലിന്റെ പേര് .

അവതാരകയായി ശരണ്യയും സഹായിയായി അമ്മയുമാണ് ഈ വീഡിയോയില്‍ ഉള്ളത്. വീട്ടില്‍ തന്നെയുണ്ടാക്കുന്ന മോഡേണ്‍ ചിക്കന്‍ കറിയും മുടിവളരാനുള്ള എണ്ണയും ഉണ്ടാക്കുന്ന വീഡിയോകള്‍ ശരണ്യ തന്റെ യൂട്യൂബ് ചാനലില്‍ പോസ്റ്റ് ചെയ്തിട്ടുണ്ട്.

തന്നെ കൊണ്ട് പറ്റുന്ന രീതിയില്‍ ശരണ്യ ഓരോ വീഡിയോയിലും സജീവമാണ്. തന്നെ ഒരാപത്ഘട്ടത്തില്‍ സഹായിക്കാന്‍ ഒപ്പം നിന്നവരോടുള്ള നന്ദി സൂചകമായുള്ള വീഡിയോയും ശരണ്യ പോസ്റ്റ് ചെയ്തിട്ടുണ്ട്. ഒട്ടേറെ ആരാധകര്‍ ശരണ്യയ്ക്ക് പിന്തുണയും ആശംസയുമായി എത്തിയിട്ടുണ്ട്.