രാത്രി മദ്യപിച്ച് വീട്ടിലെത്തിയ ശേഷം കുട്ടികളോട് ഉറങ്ങാൻ പറഞ്ഞു... പിന്നാലെ ഭാര്യയുമായി വഴക്കിട്ടത് വീട് നവീകരണത്തിനായി വായ്പയെടുത്ത പണം മദ്യപിക്കാന് നല്കാത്തതിന്... വഴക്കിന് ശേഷം ഭാര്യയുടെ പിന്നാലെ വെട്ടുകത്തിയുമായി പാഞ്ഞു! പ്രാണരക്ഷാർത്ഥം മീന അലറി വിളിച്ച് കൊണ്ട് മുറ്റത്തേക്ക് ഓടിയെങ്കിലും കുഴഞ്ഞുവീണു... ഉറക്കത്തിലായിരുന്ന മൂത്ത മകനെ ഷാജി വിളിച്ചുണര്ത്തി വിവരം അറിയിച്ച ശേഷം പോയത് സ്റ്റേഷനിലേയ്ക്ക്! പാറശാലയിൽ നടുക്കം വിട്ടുമാറാതെ നാട്ടുകാർ...
വീട് നവീകരണത്തിനായി വായ്പയെടുത്ത പണം മദ്യപിക്കാന് നല്കാത്തതിനെ തുടര്ന്ന് ഭാര്യയെ വെട്ടിക്കൊലപ്പെടുത്തി ഭര്ത്താവ്. അയിര ചൂരക്കുഴി മേക്കെകര പുത്തന്വീട്ടില് മീന(34) ആണ് മരിച്ചത്.
സംഭവത്തിന് ശേഷം ഭര്ത്താവ് ഷാജി (40) പൊലീസില് കീഴടങ്ങി. വ്യാഴാഴ്ച രാത്രി 10.15 മണിക്കാണ് സംഭവം.
കഴിഞ്ഞ ദിവസം വീടുപണിക്ക് വായ്പയെടുത്ത പണം നല്കാത്തതിലുള്ള തര്ക്കമാണ് കൊലപാതകത്തില് കലാശിച്ചത്.
രാത്രി മദ്യപിച്ചു വീട്ടിലെത്തിയ ഷാജി കുട്ടികളോട് ഉറങ്ങാന് ആവശ്യപ്പെട്ട ശേഷം ഭാര്യയുമായി വഴക്കിടുകയും മര്ദിക്കുകയും ചെയ്തു.
വെട്ടുകത്തി കൊണ്ടു വെട്ടാന് ശ്രമിച്ചതോടെ പ്രാണരക്ഷാര്ഥം വീടിന് പുറത്തേക്ക് ഓടിയ മീനയെ പിന്നാലെ എത്തി വെട്ടുകയായിരുന്നു.
മീന മുറ്റത്ത് തന്നെ കുഴഞ്ഞു വീഴുകയായിരുന്നു. ഉറക്കത്തിലായിരുന്ന മൂത്ത മകന് ശാരോണിനെ വിളിച്ചുണര്ത്തി വിവരം അറിയിച്ച ശേഷമാണ് ഷാജി ബൈക്കില് സ്റ്റേഷനിലേക്കു പോയത്.
മീനയെ തിരുവനന്തപുരം മെഡികല് കോളജ് ആശുപത്രിയില് പ്രവേശിപ്പിച്ചെങ്കിലും രാത്രി രണ്ട് മണിയോടെ മരിച്ചു.
https://www.facebook.com/Malayalivartha