പോരാട്ടത്തിന്റെ 35 വർഷം പിന്നിടുന്ന നവചിന്ത കമ്മ്യൂണിസ്റ്റ് പ്രസ്ഥാനത്തിന്റെ സ്ഥാപക സമ്മേളനത്തിൽ കെ കെ രമയുടെയും നെയ്യാറ്റിൻകര സനലിന്റെയും ഉജ്വലമായ വാക്കുകളിലൂടെ..... രാഷ്ട്രീയ പ്രവർത്തകനായ സി പി ജോൺ നമ്മെ കൊണ്ടു പോകുമ്പോൾ, ആ പാർട്ടിയുടെ പോരാട്ട വീര്യത്തിന്റെ വേറിട്ട വഴികൾ നമുക്കു മുന്നിൽ ഉത്തമ ഉദാഹരണമാകുന്നു
ഏതായാലും ഒരു രാഷ്ട്രീയ പാർട്ടി 35 വർഷം അതിന്റെ പ്രവർത്തനം കൊണ്ട് പോയി എന്ന് പറയുന്നത് ചില്ലറ കാര്യമല്ല. പ്രത്യേകിച്ചും ഒരു കമ്മ്യൂണിസ്റ്റ് പാർട്ടിയായി, കേരളത്തിലെ ഏറ്റവും വലിയ കമ്മ്യൂണിസ്റ്റ് പാർട്ടി സിപിഎം എന്നവകാശപ്പെടുന്ന ആ പാർട്ടിയോട് പൊരുതി കൊണ്ട് തന്നെ ഒരു കമ്മ്യൂണിസ്റ് പാർട്ടിയായി നില കൊണ്ട് ഇത്രയും വർഷം പ്രവർത്തിക്കാൻ കഴിയുക എന്ന് പറയുന്നത് അതൊരു മഹത്തായ കാര്യം തന്നെയാണെന്നാണ് എന്റെ അഭിപ്രായം.
2008 ൽ ആണ് ആർഎംപി രൂപീകരിച്ചത്. 10 വർഷം കഴിഞ്ഞ് 11 ആം വർഷം ആകുന്ന ഈ സമയത്ത് ഞങ്ങൾക്കറിയാം ഞങ്ങളുടെ രാഷ്ട്രീയ പാർട്ടിയുടെ പ്രവർത്തനം എങ്ങനെയാണെന്ന്. ഒരു രാഷ്ട്രീയ പാർട്ടി വ്യത്യസ്തമായ അഭിപ്രായം പറഞ്ഞ്, രാഷ്ട്രീയം പറഞ്ഞ്, മുന്നോട്ട് വരുകയും പ്രവർത്തിക്കുകയും ചെയ്യുക എന്ന് പറയുന്നത്,
സാമാന്യമായ ഒരു ജനാധിപത്യ നടപടി അത് പോലും വച്ച് പൊറുപ്പിക്കാൻ കഴിയാത്തത്ര അസഹിഷ്ണുതയോട് കൂടി ഒരു രാഷ്ട്രീയ പാർട്ടി എങ്ങനെയാണ് നമ്മുടെ നാട്ടിൽ പ്രവർത്തിച്ചു കൊണ്ടിരിക്കുന്നതെന്ന് കണ്ടറിഞ്ഞ് അനുഭവിച്ചറിഞ്ഞവരാണ് ഞങ്ങൾ. ആ ഒരു സാഹചര്യത്തിൽ നിന്ന് ഒരു കമ്മ്യൂണിസ്റ്റ് പാർട്ടി ഇത്രയും വർഷം അതിന്റെ പ്രവർത്തനം കൊണ്ട് പോകുന്നതും നില നിൽക്കുന്നതും അതിന്റെ പോരാട്ട വീര്യം തന്നെയാണ്.
ഒരു മനുഷ്യൻ ഒരു മണ്ണിൽ എങ്ങനെ ജീവിക്കണം, തനിക്ക് അവകാശപ്പെട്ടിടത്ത് എങ്ങനെയാണ് ജീവിതം മുന്നോട്ട് കൊണ്ടു പോകാൻ കഴിയുക എന്നുള്ള പ്രശ്നങ്ങൾ ഒക്കെ ഉണ്ട്. നമ്മൾ ഇന്ന് അതി ഗുരുതരമായ രോഗത്തിലൂടെയാണ് കടന്നു പോകുന്നത്.
പൂർണമായും അടച്ചിട്ടു കൊണ്ട് മനുഷ്യന്റെ ജീവിതം നിച്ഛലമായി കൊണ്ട് പോകുന്ന ഒരു രാഷ്ട്രീയ കാലാവസ്ഥയിലൂടെയാണ് നമ്മൾ കടന്നു പോകുന്നത്. നമ്മുടെ ജനജീവിതം ഏറ്റവും ദുഷ്കരമാക്കിയതിന്റെ പ്രധാനപ്പെട്ട ഉത്തരവാദിത്വം കേരളം ഭരിക്കുന്ന പിണറായി ഗവര്മെന്റിനാണ് എന്നതിൽ ഒരു സംശയവുമില്ല.
നിങ്ങൾ കൊടുക്കുന്ന ഒരു കിറ്റ് കൊണ്ട് മാത്രം ഞങ്ങൾ സാധാരണ മനുഷ്യരുടെ ജീവിതം മുന്നോട്ട് കൊണ്ട് പോകാനാകില്ല. ഭരണമുണ്ടെങ്കിലും ഇല്ലെങ്കിലും ജനം ഇന്ന് വളരെ ഭീതിയിലാണ്. ഭീതിരഹിതമായ ഒരു അന്തരീക്ഷം സംജാതമാകാൻ നമ്മൾ പോരാട്ടത്തിലോട്ട് മുന്നോട്ട് വരേണ്ടതായിട്ടുണ്ട്. കൂടുതലറിയാനായി ഈ വീഡിയോ കാണുക.....
https://www.facebook.com/Malayalivartha