ലോകാത്ഭുതങ്ങളിലൊന്നായ വെണ്ണക്കല്ലിൽ തീർത്ത താജ് മഹല്‍ സ്‌നേഹത്തിന്റെ അനശ്വര പ്രതീകമായി ഇന്നും നൂറ്റാണ്ടുകളെ അതിജീവിച്ച് നിലനിൽക്കുന്നു. ചക്രവര്‍ത്തി ഷാജഹാന്‍ തന്റെ ഭാര്യ മുംതാസ് മഹലിന്റെ ഓര്‍മ്മകള്‍ നിലനിര്‍ത്താന്‍ നിര്‍മ്മിച്ചതാണ് താജ്മഹല്‍. ലോകത്തെ ഒട്ടേറെ പേര്‍ക്ക് കൗതുകവും അമ്പരപ്പും സമ്മാനിച്ചു കൊണ്ട് യമുനാ തീരത്ത് നിലകൊള്ളുന്നു.

ഇന്ത്യയുടെ ടൂറിസം മാപ്പില്‍ ഏറ്റവും പ്രധാനമാണ് ടാജ് മഹല്‍. യമുനാ തീരത്ത് ടാജ്മഹല്‍ നിര്‍മ്മിക്കപ്പെട്ട ഭൂമിയും സമീപ പ്രദേശങ്ങളേയും ചേര്‍ത്താണ് ഇപ്പോള്‍ വിവാദം ഉയര്‍ന്നിരിക്കുന്നത്. മുഗള്‍ ചക്രവര്‍ത്തിയായ ഷാജഹാന്റെ നടപടികളെയാണ് ഇത് ചോദ്യം ചെയ്യുന്നത്.ഷാജഹാന്‍ തന്റെ ഭാര്യയുടെ ശവകുടീരമാക്കി മാറ്റിയിടത്ത് ശിവക്ഷേത്രം ഉണ്ടായിരുന്നുവെന്നാണ് ടാജിനെതിരേ സമര്‍പ്പിക്കപ്പെട്ട ഒരു ഹര്‍ജിയിലെ വാദം.

താജ്മഹല്‍ നിര്‍മ്മിച്ച ഭൂമി യഥാര്‍ത്ഥത്തില്‍ തന്റെ കുടുംബത്തിന്റേതാണെന്നാണ് വാദിക്കുകയാണ് ഭാരതീയ ജനതാ പാര്‍ട്ടി എംപിയും ജയ്പൂര്‍ മുന്‍ രാജകുമാരിയുമായ ദിയാ കുമാരി. താജ്മഹലിനുള്ളില്‍ പൂട്ടിയിട്ടിരിക്കുന്ന 22 മുറികള്‍ പരിശോധിക്കാന്‍ ആര്‍ക്കിയോളജിക്കല്‍ സര്‍വേ ഓഫ് ഇന്ത്യയോട് ആവശ്യപ്പെട്ട് അലഹബാദ് ഹൈക്കോടതിയുടെ ലഖ്നൗ ബെഞ്ചില്‍ ഹര്‍ജി സമര്‍പ്പിച്ചതിന് പിന്നാലെയാണ് ദിയാ കുമാരിയുടെ പരാമര്‍ശം.

താജ്മഹല്‍ സ്മാരകം നിര്‍മ്മിക്കുന്നതിന് മുമ്പ് ഈ ഭൂമിയില്‍ എന്തായിരുന്നുവെന്ന് അന്വേഷിക്കണം.മഖ്ബറ'ക്ക് മുമ്പ് യഥാര്‍ത്ഥത്തില്‍ എന്തായിരുന്നുവെന്ന് അറിയാന്‍ ആളുകള്‍ക്ക് അവകാശമുണ്ട്.' ദിയാ കുമാരി പറഞ്ഞു. ജയ്പൂര്‍ കുടുംബത്തിന്റെ പക്കല്‍ ഇതിന്റെ രേഖകള്‍ ലഭ്യമാണെന്നും ആവശ്യമെങ്കില്‍ ഇത് നല്‍കുമെന്നും അവര്‍ കൂട്ടിച്ചേര്‍ത്തു.

തന്റെ കുടുംബത്തിന്റെ ഉടമസ്ഥതയിലുള്ള ഭൂമി മുഗള്‍ ഭരണാധികാരി ഷാജഹാന്‍ കൈവശപ്പെടുത്തിയെന്നാണ് ദിയാ കുമാരി ആരോപിക്കപ്പെടുന്നത്.അയോധ്യയിലെ ബിജെപി മീഡിയ ഇന്‍ ചാര്‍ജ് രജനീഷ് സിംഗ് സമര്‍പ്പിച്ച ഹര്‍ജിയില്‍, ശവകുടീരം യഥാര്‍ത്ഥത്തില്‍ പഴയ ശിവക്ഷേത്രമാണെന്ന ചില ചരിത്രകാരന്മാരുടെയും ഹിന്ദു ഗ്രൂപ്പുകളുടെയും അവകാശവാദങ്ങള്‍ ഉദ്ധരിക്കുന്നു.

പൂട്ടിക്കിടക്കുന്ന മുറികള്‍ പരിശോധിച്ച് റിപ്പോര്‍ട്ട് പൊതുജനങ്ങള്‍ക്ക് സമര്‍പ്പിക്കാന്‍ പ്രത്യേക സമിതി രൂപീകരിക്കണമെന്ന് എഎസ്ഐയോട് ആവശ്യപ്പെട്ടാണ് ഹര്‍ജി. താജ്മഹലിനെ ക്ഷേത്രമാക്കുകയല്ല, സാമൂഹിക സൗഹാര്‍ദത്തിന് വേണ്ടി സത്യാവസ്ഥ പുറത്തുകൊണ്ടുവരണമെന്നാണ് ആവശ്യമെന്നും സിംഗ് പറഞ്ഞു. അടച്ചിട്ട വാതിലുകളെ പരിശോധിച്ചാൽ മാത്രമേ ഇത്തരം വിവാദങ്ങള്‍ അവസാനിപ്പിക്കാനാവൂ എന്നും അദ്ദേഹം പറഞ്ഞു.

താജ്മഹലിനെക്കുറിച്ചുള്ള വിവാദങ്ങളുടെ സംക്ഷിപ്ത ടൈംലൈന്‍ 1965-ല്‍ ചരിത്രകാരനായ പിഎന്‍ ഓക്ക് തന്റെ പുസ്തകത്തില്‍ താജ്മഹല്‍ യഥാര്‍ത്ഥത്തില്‍ ഒരു ശിവക്ഷേത്രമായിരുന്നുവെന്ന് അവകാശപ്പെടുന്നു. താജ്മഹലിനെ 'തേജോമഹലേ' ആയി പ്രഖ്യാപിക്കണമെന്ന് ആവശ്യപ്പെട്ട്
2015-ല്‍ ആഗ്രയിലെ സിവില്‍ കോടതിയില്‍ ഹര്‍ജി സമര്‍പ്പിച്ചിരുന്നു. 2017ല്‍ ബിജെപി എംപി വിനയ് കത്യാര്‍ യുപി മുഖ്യമന്ത്രി യോഗി ആദിത്യനാഥിനോട് താജ്മഹല്‍ തേജോമഹല്‍ ആയി പ്രഖ്യാപിക്കണമെന്ന് ആവശ്യം.ഉന്നയിച്ചിരുന്നു.

വിവാദങ്ങളും, അവകാശവാദങ്ങളും കൊഴുക്കുന്നുണ്ടെങ്കിലും സന്ദർശകർക്ക് താജ്മഹൽ എന്നും ഒരുവിസമയമായി കാണാനാണ് ഇടപ്പെടുന്നത്.22 വര്‍ഷ. 22,000 തൊഴിലാളികളുടെ അധ്വാനത്തിലൂടെ 1653-ല്‍ പണിപൂർത്തിയാക്കിയ ഈ അത്ഭുത സൗധം അന്നുമുതല്‍ ഇന്നോളം ലോകത്തെ അമ്പരപ്പിച്ച് നിലകൊള്ളുന്നു.