വിവാഹ ദിനത്തിലെ വളരെ രസകരമായതും അല്ലാത്തതുമായ പല വീഡിയോകളും സമൂഹമാധ്യമങ്ങളിൽ വൈറലാകാറുണ്ട്.ഇപ്പോഴിത വിവാഹ പന്തലിലേക്കുള്ള തന്റെ എൻട്രി വ്യത്യസ്തമാക്കിയിരിക്കുകയാണ് ഒരു നോർത്ത് ഇന്ത്യൻ വധു. ലഹംഗയണിഞ്ഞ് റോയൽ എൻഫീൽഡ് ബൈക്കിൽ വെറൈറ്റി മാസ് എൻട്രി നടത്തി സമൂഹമാധ്യമം കീഴടക്കിയിരിക്കുകയാണ് വധു.

ഭാരമേറിയ ലഹംഗയ്‌ക്കൊപ്പം ആഭരണങ്ങളെല്ലാം അണിഞ്ഞിട്ടും അനായാസമായി തന്നെ വധു ബുള്ളറ്റ് ഓടിക്കുന്നുണ്ട്. വിവാഹ മണ്ഡപത്തിലേക്കാണ് ഈ ബുള്ളറ്റ് യാത്ര. വൈശാലി ചൗധരി എന്ന ഇൻസ്റ്റഗ്രാം അക്കൗണ്ടിൽ നിന്നാണ് വീഡിയോ പോസ്റ്റ് ചെയ്തിരിക്കുന്നത്. വീഡിയോയ്ക്ക് ഇതിനോടകം ഒരു മില്യണിലേറെ കാഴ്ചക്കാരായി.

അതുപോലെ വിവാഹ വേദിയില്‍ വച്ച് വരനെ മുഖത്തടിക്കുന്ന വധുവിന്റെ വീഡിയോയും അടുത്തിടെ സമൂഹമാധ്യമങ്ങളിൽ വൈറലായിമാറിയിരുന്നു. വിവാഹ വേദിയില്‍ വച്ച് പരസ്പരം വരനും വധുവും ലഡു കഴിപ്പിക്കുന്നതാണ് വീഡിയോ. പരസ്പരം വായില്‍ ലഡു വച്ചു നല്‍കണം. എന്നാല്‍ ഈ വീഡിയോയിലെ വധുവും വരനും തീരെ താത്പര്യമില്ലാത്ത രീതിയിലാണ് പരസ്പരം ഇത് ചെയ്യുന്നത്.

വധു വരന്റെ വായിലേക്ക് ലഡു നിര്‍ബന്ധപൂര്‍വ്വം വച്ച് നല്‍കുന്നതാണ് വീഡിയോയുടെ തുടക്കം.വാ തുറക്കാതിരിക്കുമ്പോള്‍ വായിലേക്ക് തള്ളി കയറ്റാന്‍ ശ്രമിക്കുന്നതും കാണാം. ദേഷ്യം വന്ന വരന്‍ ഉടന്‍ കൈ തട്ടി മാറ്റി. ഇതിന് ശേഷം വധുവിന്റെ വായിലേക്ക് വരന്‍ ലഡ്ഡു വച്ചു നല്‍കുകയാണ്.അതും ബലമായാണ് ചെയ്യുന്നത്. പക്ഷെ ദേഷ്യം വന്ന വധു പെട്ടെന്നാണ് വരന്റെ കരണത്തടിച്ചത്. ഇന്‍സ്റ്റഗ്രാമിലൂടെ പുറത്ത് വന്ന വീഡിയോ ഏകദേശം പന്ത്രണ്ടായിരത്തില്‍ അധികം പേരാണ് കണ്ടത്. രസകരമായ നിരവധി കമന്റുകളും വീഡിയോയ്ക്ക് താഴെ വരുന്നുണ്ട്.