മസ്കിന്‍റെ കോളജ് കാലത്തെ കാമുകി ജെന്നിഫർ ഗ്വിനെയ്‌ക്ക് ഒപ്പമുള്ള ചിത്രങ്ങള്‍ ലേലത്തില്‍ പോയത് 1,65,000 ഡോളറിനാണ്.ലേലത്തിൽ വെച്ച ഫോട്ടോകളിലൊന്ന് മസ്ക് തന്‍റെ ട്വിറ്റര്‍ പ്രൊഫൈല്‍ ഫോട്ടോയാക്കിയിട്ടുണ്ട്. 1994-95 കാലത്ത് പെൻസിൽവാനിയ സർവകലാശാലയിലാണ് മസ്കും ജെന്നിഫറും ഒരുമിച്ച് പഠിച്ചത്.

അക്കാലത്തെ 18 ഫോട്ടോകളാണ് ലേലത്തില്‍ പോയത്.ട്വിറ്റര്‍ വാങ്ങാനുള്ള തീരുമാനത്തിനു ശേഷം മസ്ക് പ്രതിദിനം വാര്‍ത്തകളില്‍ നിറയുകയാണ്. മസ്‌ക് ട്വിറ്ററിനിട്ട വിലയായ 44 ബില്യൺ ഡോളര്‍ ട്വിറ്റർ ഓഹരി ഉടമകൾ അംഗീകരിച്ചു. ഇടക്കാലത്ത് കരാറില്‍ നിന്ന് പിന്മാറാൻ മസ്ക് ശ്രമിച്ചെങ്കിലും ട്വിറ്റർ കരാറുമായി മുന്നോട്ടുപോവുകയായിരുന്നു.മസ്‌ക് ജെന്നിഫറിന് പിറന്നാള്‍ ദിനത്തില്‍ പച്ച മരതകം പതിച്ച സ്വർണ നെക്ലേസ് നല്‍കിയിരുന്നു. 51000 ഡോളറിനാണ് ഈ നെക്ലേസ് വിറ്റുപോയത്. അതായത് വെറും 40 ലക്ഷം രൂപയ്ക്ക്. ഒരു ജന്മദിന കാര്‍ഡാകട്ടെ 13 ലക്ഷം രൂപയ്ക്കാണ് ലേലത്തില്‍ പോയത്.