എന്നാലും എന്റെ കേരളമേ തമിഴ്നാടിനോട് ഈ കൊടും ചതി വേണ്ടായിരുന്നു. ആരും അങ്ങനെ ചിന്തിച്ചു പോകുന്ന തരത്തിലാണ് കാര്യങ്ങളുടെ ഒരു പോക്ക്. ജൂനിയർ മാൻഡ്രേക്ക് എന്ന സിനിമയിൽ, ഒരു പ്രതിമയുണ്ട്. ആ പ്രതിമ ആരുടെ കയ്യിൽ കിട്ടിയാലും അവർക്ക് കഷ്ടകാലമായിരിക്കും. അങ്ങനെയാണ് ഇപ്പോൾ അരിക്കൊമ്പന്റെ അവസ്ഥയും. എന്തുകൊണ്ടാണ് കഴിഞ്ഞ ഒരാഴ്ച അരിക്കൊമ്പൻ വാർത്തകളിൽ ഇടം നേടിയതെന്നും ഇത്രയേധികം ചർച്ചാവിഷയം ആയതെന്നും എല്ലാവർക്കും അറിയാവുന്ന കാര്യമാണ്. 

അരിക്കൊമ്പൻ നാട്ടിലെ ജനവാസ മേഖലയിൽ ഇറങ്ങി പ്രശ്നങ്ങൾ സൃഷ്ടിച്ചതോടെ ജനങ്ങൾ ദുരിതത്തിൽ ആകുകയും അങ്ങനെയാണ് അരിക്കൊമ്പനെ നാടുകടത്താം എന്ന തീരുമാനത്തിൽ കേരളം എത്തിയതും.
നിരവധി എതിർപ്പുകൾ ഉയർന്നിട്ടും, അരിക്കൊമ്പനെ നാട് കടത്തി. വളരെ സാഹസികമായി ജനവാസ മേഖലയിൽ നിന്നും അരിക്കൊമ്പനെ പിടികൂടി പെരിയാർ കടുവ സങ്കേതത്തിൽ തുറന്നു വിടുകയും ചെയ്തു. അരിക്കൊമ്പൻ ആരുടെ മനസ്സിൽ നിന്നും പോയിട്ടില്ല.

അരിക്കൊമ്പന് എന്ത് സംഭവിച്ചു? അവിടെ എത്തിച്ചേർന്ന അരിക്കൊമ്പന് എങ്ങനെയാണ് എന്നൊക്കെ അറിയാൻ മലയാളികൾ ഒരു ആഗ്രഹം പ്രകടിപ്പിക്കുന്നുണ്ട്. അതിനിടയിൽ കഴിഞ്ഞദിവസം അരിക്കൊമ്പന്റെ വീഡിയോ പുറത്തുവരികയും, കൂടുതൽ വിവരങ്ങൾ വീണ്ടും വരാൻ തുടങ്ങുകയും ചെയ്തു. അരിക്കൊമ്പൻ ഇപ്പോൾ തമിഴ്നാട്ടിലാണ്. പട പേടിച്ച് പന്തളത്ത് ചെന്നപ്പോൾ ചൂട്ടുംകെട്ടി പടം എന്നൊക്കെ പറയുന്ന തരത്തിലാണ് കാര്യങ്ങൾ എത്തിനിൽക്കുന്നത് .

അരിക്കൊമ്പൻ തമിഴ്നാട്ടിലെ ജനവാസ മേഖലയായ മേഘമലയിൽ ഇറങ്ങിയിരിക്കുകയാണ് അവിടെ മുഴുവൻ പ്രശ്നമുണ്ടാക്കുകയാണ്. അവിടെ നിരോധനാജ്ഞ പുറപ്പെടുവിച്ചിരിക്കുകയാണ് ആ ഒരു തരത്തിൽ കാര്യങ്ങൾ എത്തിയിരിക്കുകയാണ്. തീർച്ചയായിട്ടും തമിഴ്നാട് മുഖ്യമന്ത്രി എം കെ സ്റ്റാലിൻ നമ്മുടെ മുഖ്യമന്ത്രി പിണറായി വിജയനെ സ്മരിക്കുന്നുണ്ടാകും. ഇത്രയും വലിയ ചതി ഞങ്ങളോട് വേണ്ടായിരുന്നു എന്ന് മനസ്സിൽ എങ്കിലും ചിന്തിക്കുന്നുണ്ടായിരിക്കും. കാരണം അത്തരത്തിലാണ് അരിക്കൊമ്പൻ അവിടെ ഒരു നാടിനെ വിറപ്പിക്കുന്നത്.

അരിക്കൊമ്പന് വേണ്ടത് ആഹാരമാണ്, അതിനുവേണ്ടി അവൻ എന്തും ചെയ്യും. ആഹാരം തേടി ജനവാസ മേഖലയിൽ മാത്രമേ അവനു പോകാൻ കഴിയുകയുള്ളൂ , അങ്ങനെയാണ് അവിടെ എത്തിയിരിക്കുന്നത്. എന്തായാലും കേരളവും തമിഴ്നാടും തമ്മിൽ വളരെ വലിയൊരു ബന്ധമുണ്ട് നമുക്കറിയാം നമ്മുടെ മുഖ്യമന്ത്രിയും തമിഴ്നാട് മുഖ്യമന്ത്രിയും തമ്മിൽ ഒരു സൗഹൃദം ഒക്കെ വളരെ നല്ല രീതിയിൽ കാത്തുസൂക്ഷിക്കുന്നുണ്ട്.

അതിനിടയിലാണ് കേരളം തമിഴ്നാടിന് മുട്ടൻ പണി കൊടുത്തു എന്ന തരത്തിൽ ഇപ്പോൾ അരിക്കൊമ്പൻ വിഷയം വന്നിരിക്കുന്നത്. തമിഴ്നാട് എങ്ങനെയാണ് ഈ ഒരു വിഷയത്തെ കൈകാര്യം ചെയ്യുക എന്നതൊക്കെ വരുന്ന ദിവസങ്ങളിൽ നമുക്ക് അറിയുവാൻ സാധിക്കും എന്തായാലും അവിടെയും പ്രശ്നങ്ങൾ സൃഷ്ടിച്ചു കൊണ്ടിരിക്കുന്നു എന്നത് തന്നെയാണ് ഏറ്റവും പുതിയ വിവരം.