ഇന്ത്യ - വെസ്റ്റ് ഇന്ഡീസ് ഒന്നാം ട്വന്റി-20യില് സഞ്ജുവിനെ പ്ലെയിംഗ് ഇലവനില് ഉള്പ്പെടുത്താന് സാധ്യതയില്ല, കെ.എല്.രാഹുല് ധവാന് പകരം ഓപ്പണറാകുമെന്ന് സൂചന
ഇന്ന് ഹൈദരാബാദില് നടക്കുന്ന ഇന്ത്യ - വെസ്റ്റ് ഇന്ഡീസ് ഒന്നാം ട്വന്റി-20യില് സഞ്ജുവിനെ പ്ലെയിംഗ് ഇലവനില് ഉള്പ്പെടുത്താന് സാധ്യതയില്ല. .പരിക്കേറ്റ ഓപ്പണര് ശിഖര് ധവാന് പകരമാണ് സഞ്ജു ടീമിലെത്തിയതെങ്കിലും കളിക്കാന് അവസരമുണ്ടാകില്ലെന്നാണ് ടീം മാനേജ്മെന്റിന്റെ പ്രതികരണത്തില് നിന്നും വ്യക്തമാകുന്നത്.
കെ.എല്.രാഹുല് ധവാന് പകരം ഓപ്പണറാകുമെന്നാണ് സൂചന. ബംഗ്ലാദേശിനെതിരായ പരമ്ബരയില് വിശ്രമത്തിലായിരുന്ന നായകന് വിരാട് കോഹ്ലി തിരിച്ചെത്തിയതിനാല് മൂന്നാം നമ്ബറില് ആരെന്ന കാര്യവും ടീം ഇന്ത്യയ്ക്ക് ചിന്തിക്കേണ്ട. ശ്രേയസ് അയ്യര്, മനീഷ് പാണ്ഡെ എന്നിവരുടെ സ്ഥാനത്തിനും നിലവില് ഭീഷണിയില്ല. രണ്ടു പേരും മികച്ച ഫോമില്. മോശം ഫോമിലുള്ള വിക്കറ്റ് കീപ്പര് ഋഷഭ് പന്തിന് ടീം മാനേജ്മെന്റിന്റെ അകമഴിഞ്ഞ പിന്തുണ ലഭിക്കുന്നതിനാല് സ്ഥാന ചലനമുണ്ടാകില്ല. ബംഗ്ലാദേശിനെതിരായ അവസാന ട്വന്റി-20യില് തിളങ്ങിയ ശിവം ദുബയ്ക്കും അവസരം ലഭിക്കും.
https://www.facebook.com/Malayalivartha
