രണ്ടാം ട്വന്റി-20യില് ഇന്ത്യയുടെ വിജയ ലക്ഷ്യം 133 റണ്സ്... ന്യൂസീലന്ഡിനെ ചെറിയ സ്കോറിലൊതുക്കി ഇന്ത്യ
രണ്ടാം ട്വന്റി-20യില് ഇന്ത്യയുടെ വിജയ ലക്ഷ്യം 133 റണ്സ്. ന്യൂസീലന്ഡിനെ ചെറിയ സ്കോറിലൊതുക്കി ഇന്ത്യ. നിശ്ചിത ഓവറില് ന്യൂസീലന്ഡ് അഞ്ചു വിക്കറ്റ് നഷ്ടത്തില് നേടിയത് 132 റണ്സ്. ടോസ് നേടി ബാറ്റിങ് തിരഞ്ഞെടുത്ത കിവീസിനായി ഓപ്പണിങ് വിക്കറ്റില് ഗപ്റ്റിലും മണ്റോയും 48 റണ്സ് കൂട്ടുകെട്ടുണ്ടാക്കി. 33 റണ്സെടുത്ത ഗപ്റ്റില് പുറത്തായതിന് പിന്നാലെ കിവീസിന് തുടര്ച്ചയായി വിക്കറ്റുകള് നഷ്ടപ്പെട്ടു. കോളിന് മണ്റോ 25 പന്തില് 26 റണ്സ് നേടി.
കെയ്ന് വില്ല്യംസണ് 14 റണ്സിന് പുറത്തായപ്പോള് ഗ്രാന്ഡ്ഹോമിന്റെ സമ്ബാദ്യം മൂന്നു റണ്സ് മാത്രമായിരുന്നു. 18 റണ്സെടുത്ത് റോസ് ടെയ്ലറും ക്രീസ് വിട്ടു. 26 പന്തില് 33 റണ്സുമായി ടിം സെയ്ഫെര്ട്ട് പുറത്താകാതെ നിന്നു. അക്കൗണ്ട് തുറക്കാതെ സാന്റ്നറും ക്രീസിലുണ്ടായിരുന്നു. ഇന്ത്യക്കായി നാല് ഓവറില് 18 റണ്സ് മാത്രം വഴങ്ങി രവീന്ദ്ര ജഡേജ രണ്ട് വിക്കറ്റ് വീഴ്ത്തി. ശിവം ദുബെയും ജസ്പ്രീത് ബുംറയും ശര്ദ്ദുല് ഠാക്കൂറും ഓരോ വിക്കറ്റ് വീതമെടുത്തു.
"
https://www.facebook.com/Malayalivartha