ഏകദിന പരമ്ബര തോറ്റതിന്​ ട്വന്‍റി20യില്‍ ആസ്​ട്രേലിയക്ക്​ തിരിച്ചടി കൊടുത്തിരിക്കുകയാണ്​ ഇന്ത്യ. രണ്ടാം മത്സരത്തില്‍ ലോകേഷ്​ രാഹുലും വിരാട്​ കോഹ്​ലിയും ഹാദിക്​ പാണ്ഡ്യയും വെടിക്കെറ്റ്​ തീര്‍ത്തതോടെയാണ്​ ഇന്ത്യ പരമ്ബര പിടിച്ചത്​. അവസാന ഓവറില്‍ രണ്ടു സിക്​സറുകളുമായി ഇന്ത്യയെ ജയിപ്പിച്ച പാണ്ഡ്യ മാന്‍ ഓഫ്​ ദി മാച്ചും ആയി.

എന്നാല്‍, ആസ്​ട്രേലിയയെ 200 കടത്താന്‍ അനുവദിക്കാതെ തളച്ച നടരാജ​നാണ്​ ശരിക്കും ഹീറോയെന്നാണ്​ പാണ്ഡ്യ പറയുന്നത്​." നടരാജന്‍ പ്രത്യേക അഭിനന്ദനം അര്‍ഹിക്കുന്നു. അവനാണ് മാന്‍ ഓഫ് ദി മാച്ചിന് അര്‍ഹന്‍. കാരണം ഇവിടെ ബൗളര്‍മാര്‍ വളരെയധികം ബുദ്ധിമുട്ടിയിരുന്നു, എന്നാല്‍ അവന്‍ മികച്ച പ്രകടനമാണ് കാഴ്ച്ചവെച്ചത്. അവന്‍ ഞങ്ങളുടെ വിജയലക്ഷ്യം പത്തോ പതിനഞ്ചോ റണ്‍സ് കുറച്ചുതന്നു " ഹാര്‍ദിക് പാണ്ഡ്യ പറഞ്ഞു.

" സ്കോര്‍ബോര്‍ഡ് വീക്ഷിച്ചുകൊണ്ട് കളിക്കാനാണ് ഞാന്‍ ഇഷ്ട്ടപെടുന്നത് അതുകൊണ്ട് ഏത് ബൗളറെ ലക്ഷ്യം വെയ്ക്കണമെന്ന് എനിക്കറിയാന്‍ സാധിക്കും. ഇത്തരം സാഹചര്യങ്ങള്‍ ഞാന്‍ മുമ്ബും നേരിട്ടിട്ടുണ്ട്. എന്റെ പ്രകടനം എപ്പോഴും ആത്മവിശ്വാസത്തെ ആശ്രയിച്ചാണ്" - പാണ്ഡ്യ പറഞ്ഞു.

ആസ്‌ട്രേലിയക്കെതിരായ ട്വന്‍റി20 പരമ്ബരയിലെ രണ്ടാം മത്സരത്തില്‍ നാലോവറില്‍ 20 റണ്‍സ് മാത്രം വഴങ്ങിയ നടരാജന്‍ രണ്ടു വിക്കറ്റുകളും നേടിയിരുന്നു നേടിയിരുന്നു.