ജോ റൂട്ടിന്റെ തകര്‍പ്പന്‍ ഡബിള്‍ സെഞ്ചുറി കരുത്തി ശ്രീലങ്കയ്‌ക്കെതിരേ ഇംഗ്ലണ്ടിന് കൂറ്റന്‍ ഒന്നാം ഇന്നിംഗ്‌സ് ലീഡ്. ഇംഗ്ലണ്ടിന്റെ ഒന്നാം ഇന്നിംഗ്‌സ് 421 റണ്‍സില്‍ അവസാനിച്ചു. 286 റണ്‍സിന്റെ ഒന്നാം ഇന്നിംഗ്‌സ് ലീഡ് ഇംഗ്ലണ്ടിനുണ്ട്. 228 റണ്‍സ് നേടിയ റൂട്ടാണ് സന്ദര്‍ശകരെ മികച്ച സ്‌കോറില്‍ എത്തിച്ചത്. ഇംഗ്ലീഷ് നായകന്റെ നാലാം ഡബിള്‍ സെഞ്ചുറിയാണിത്.

ഡാന്‍ ലോറന്‍സ് (73), ജോണി ബെയിര്‍‌സ്റ്റേ (47) എന്നിവരും ക്യാപ്റ്റന് മികച്ച പിന്തുണ നല്‍കി. മൂന്നാമനായി ക്രീസിലെത്തിയ റൂട്ട് അവസാനമാണ് പുറത്തായത്.


18 ഫോറും ഒരു സിക്‌സും അടങ്ങിയതായിരുന്നു ഇംഗ്ലണ്ട് നായകന്റെ ഇന്നിംഗ്‌സ് ലങ്കയ്ക്കായി ദില്‍റ്വാന്‍ പെരേര നാലും ലസിത് എമ്പുല്‍ദേനിയ മൂന്നും അസിത ഫെര്‍ണാണ്ടോ രണ്ടും വിക്കറ്റുകള്‍ നേടി. ലങ്കയുടെ ഒന്നാം ഇന്നിംഗ്‌സ് 135 റണ്‍സില്‍ അവസാനിച്ചിരുന്നു.