ഇംഗ്ലണ്ടിനെതിരായ നാലാം ടി20... അവസാന അങ്കത്തിനൊരുങ്ങി ഇന്ത്യ. ഒന്നും മൂന്നും ടി20കളിലെ ജയത്തോടെ നാലാം മത്സരം കൂടി ജയിച്ച് പരമ്ബര നേരത്തേ ഉറപ്പിക്കാനുള്ള ഇംഗ്ലണ്ടിന്റെ തന്ത്രങ്ങളെയാണ് വ്യാഴാഴ്ച രാത്രിയില്‍ മൊട്ടേരയില്‍ ഇന്ത്യ തകര്‍ത്ത് കളഞ്ഞു.

പരമ്പര 2-2ന് സമനിലയില്‍ നില്‍ക്കേ ഇന്നത്തെ പോരാട്ടമാവും ചാമ്ബ്യന്മാരെ നിര്‍ണ്ണയിക്കുന്നത്. പരിചയസമ്പന്നരെല്ലാം തകര്‍ന്നടിയുമ്പോള്‍ ഈ പരമ്പരയിലൂടെ അരങ്ങേറ്റം കുറിച്ച ഇഷാന്‍ കിഷനും സൂര്യകുമാര്‍ യാദവുമാണ് ഇന്ത്യയുടെ പ്രതീക്ഷ.

നാലാം ടി20യില്‍ ഇഷാന്‍ കിഷന് പകരം അവസരം ലഭിച്ച സൂര്യകുമാര്‍ യാദവ് ഇന്ത്യക്കായി മികച്ച പ്രകടനമാണ് കാഴ്ചവെച്ചത്.

ക്യാപ്റ്റന്‍ വിരാട് കോഹ്ലി വിശ്വാസം കൈവിടാതെ കാത്തുസൂക്ഷിക്കുന്ന ഓപ്പണര്‍മാരായ രാഹുലും രോഹിതും കൂടി പവര്‍ പ്ലേ വെടിക്കെട്ടിന് തുടക്കമിട്ടാല്‍ പരമ്പര ഇന്ത്യയ്ക്ക് കൈപിടിയിലൊതുക്കാം.

ഓള്‍റൗണ്ടര്‍ ഹാര്‍ദ്ദിക് പാണ്ഡ്യ ഫോമിലേക്ക് തിരിച്ചെത്തിയതും ഇന്ത്യയ്ക്ക് പ്രതീക്ഷ നല്‍കുന്നു. ബൗളിങ്ങില്‍ നാല് ഓവറില്‍ 16 റണ്‍സ് മാത്രം വഴങ്ങി രണ്ടു വിക്കറ്റും വീഴ്ത്തി.