കോവിഡ് പ്രതിരോധത്തിനായി 2000 ഓക്സിജന് കോണ്സെന്ട്രേറ്ററുകള് സംഭാവന നല്കി ബി.സി.സി.ഐ
കോവിഡ് പ്രതിരോധത്തിനായി 2000 ഓക്സിജന് കോണ്സെന്ട്രേറ്ററുകള് സംഭാവന നല്കി ബി.സി.സി.ഐ. പത്ത് ലിറ്റര് സംഭരണ ശേഷിയുള്ള കോണ്സെന്ട്രേറ്ററുകളാണ് ബി.സി.സി.ഐ സംഭാവന നല്കുന്നത്.
''കോവിഡിനെതിരായ ഈ നീണ്ട പോരാട്ടത്തില് ആരോഗ്യ പ്രവര്ത്തകര് വഹിച്ച പങ്കിനെ ബി.സി.സി.ഐ അംഗീകരിക്കുന്നു. കോവിഡ് ബാധിതരുടെ സൗഖ്യത്തിനായി ഓക്സിജന് കോണ്സെന്ട്രേറ്ററുകള് ഉടന് ലഭ്യമാക്കും'' -ബി.സി.സി.ഐ അധ്യക്ഷന് സൗരവ് ഗാംഗുലി പറഞ്ഞു.
''രാജ്യം നേരിടുന്ന പ്രതിസന്ധിയും മെഡിക്കല് ഉപകരണങ്ങളുടെ ആവശ്യകതയും ബി.സി.സി.ഐ മനസിലാക്കുന്നു. രാജ്യത്തുടനീളമുള്ള ഓക്സിജന് ക്ഷാമം കുറയ്ക്കുന്നതിന് ഈ ശ്രമം സഹായിക്കുമെന്ന് പ്രതീക്ഷിക്കുന്നു''-ബി.സി.സി.ഐ അധ്യക്ഷന് ജയ്ഷാ പ്രസ്താവിച്ചു. നേരത്തെ വിവിധ ക്രിക്കറ്റ് താരങ്ങളും ഐ.പി.എല് ടീമുകളും ക്രിക്കറ്റ് ആസ്ട്രേലിയ അടക്കമുള്ള സംഘടനകളും ഇന്ത്യയിലെ കോവിഡ് പ്രതിരോധത്തിന് സംഭാവന നല്കിയിരുന്നു.
https://www.facebook.com/Malayalivartha