കോവിഡ് മാനദണ്ഡങ്ങൾ ആര് ലംഘിച്ചാലും കർശനമായ നടപടി സ്വീകരിക്കുന്നവരാണ് പോലീസ്. ഇത്തരത്തിൽ ചില കായിക താരങ്ങൾക്ക് പിഴ ചുമത്തേണ്ടിയും വന്നിട്ടുണ്ട്. അവധി ആഘോഷിക്കാന്‍ ഗോവയിലേക്ക്​ പാസ്​ ഇല്ലാതെ പുറപ്പെട്ട ഇന്ത്യന്‍ ക്രിക്കറ്റര്‍ പൃഥ്വി ഷായെ പൊലീസ്​ തടഞ്ഞ്​ വെച്ചിരുന്നു.

ഇപ്പോഴിതാ, യാത്ര പാസും മാസ്​കും ഒന്നുമില്ല​ാതെ പൂനെയിലെ കേന്ദ്വയില്‍ ചുറ്റിക്കറങ്ങിയ ക്രിക്കറ്റ്​ താരം രാഹുല്‍ ത്രിപാഠിക്ക്​ പിഴ ലഭിച്ചു. ഐ.പി.എല്ലില്‍ കൊല്‍ക്കത്ത നൈറ്റ്​റൈഡേഴ്​സി​െന്‍റ മുന്‍നിര താരമായ ത്രിപാഠി ആഭ്യന്തര ക്രിക്കറ്റില്‍ മഹാരാഷ്ട്രക്കായാണ് കളിക്കുന്നത്. കോന്ദ്വയിലെ ഖാഡി മെഷീന്‍ ചൗക്കില്‍ വെച്ച്‌ വെള്ളിയാഴ്ച ഉച്ചക്കാണ് സംഭവമെന്ന് പൊലീസ് വ്യക്തമാക്കി.

മാസ്ക് ധരിക്കാതെ ഒരു കാരാവുമില്ലാതെ ത്രിപാഠി ലോക് ഡൗണ്‍ സമയത്ത് കാറില്‍ ചുറ്റിക്കറങ്ങുകയായിരുന്നുവെന്ന് പൊലീസ് പറഞ്ഞു.

കാറില്‍ താരത്തെ കൂടാതെ മറ്റ്​ മൂന്ന്​ പേര്‍ കൂടി ഉണ്ടായിരുന്നു. പൊലീസുമായി സഹകരിച്ച താരം മാസ്​ക്​ ധരിച്ച്‌​ പുറത്തിറങ്ങിയ ശേഷം 500 രൂപ പിഴയടച്ച രസീത് വാങ്ങി സ്ഥലം വിട്ടു. ചികിത്സ ആവശ്യത്തിനാണ്​ പുറത്തിറങ്ങിയതെന്നാണ്​ ത്രിപാഠി പോലീസിനോട് നൽകിയ വിശദീകരണം.