ശ്രീലങ്കന് പര്യടനത്തില് സഞ്ജു സാംസണ് ഇന്ത്യന് ടീമിന്റെ ക്യാപ്റ്റനാകണമെന്ന് ഡാനിഷ് കനേരിയ
സീനിയര് താരങ്ങളുടെ അഭാവത്തില് ശ്രീലങ്കന് പര്യടനത്തിനുള്ള ഇന്ത്യന് ടീമിനെ ആര് നയിക്കുമെന്നാണ് ക്രിക്കറ്റ് പ്രേമികള് ഉറ്റുനോക്കുന്നത്. ശിഖര് ധവാന്, ഭുവനേശ്വര് കുമാര് എന്നിവരില് ഒരാളാകും ക്യാപ്റ്റനാകാന് സാധ്യത. എന്നാല് മലയാളി താരം സഞ്ജു സാംസണിനെ ക്യാപ്റ്റനാക്കണമെന്നാണ് മുന് പാക് താരം ഡാനിഷ് കനേരിയ പറയുന്നത്.
കോലിക്ക് പകരം മറ്റൊരാളെ തയ്യാറാക്കി എടുക്കേണ്ടതുണ്ട്. അതിനാല് ഞാന് സഞ്ജുവിനെ നിര്ദേശിക്കുന്നു. എന്നാല്, ധവാന് ക്യാപ്റ്റന്സിയില് ശക്തനായ എതിരാളിയാണ്. വൈറ്റ്ബോളില് ഇന്ത്യയുടെ സീനിയര് താരമാണ് ധവാന്. എന്നാല്, ക്യാപ്റ്റന് സ്ഥാനത്തേക്ക് കൂടുതല് കാലം ആശ്രയിക്കാന് കഴിയുന്ന വ്യക്തിയല്ല. സഞ്ജുവിന് തെറ്റുകള് തിരുത്താനും തയ്യാറെടുക്കാനും വേണ്ടത്ര സമയമുണ്ട്. കനേരിയ ചൂണ്ടിക്കാട്ടുന്നു.
https://www.facebook.com/Malayalivartha