എല്ലാ പ്രതിസന്ധികളും മറികടന്നാണ് ഞങ്ങള്‍ ഈ നേട്ടം കൈവരിച്ചത്, എന്റെ കുട്ടികള്‍ ദുഷ്കരമായ ഘട്ടങ്ങളില്‍ പിടി മുറുക്കി നിന്ന് കളിച്ചു- രവി ശാസ്ത്രി
നിയമങ്ങള്‍ പാതിവഴിയില്‍ മാറ്റിയിട്ടും, എല്ലാ പ്രതിസന്ധികളും മറികടന്നാണ് ടീം ഇന്ത്യ ഐ.സി.സി ടെസ്റ്റ് റാങ്കിങ്ങില്‍ ഒന്നാമതെത്തിയതെന്ന് ഇന്ത്യന്‍ ടീമിന്റെ മുഖ്യ പരിശീലകന്‍ രവി ശാസ്ത്രി.
ശക്തമായ നിശ്ചയദാര്‍ഡ്യവും അചഞ്ചലമായ ശ്രദ്ധയും കൊണ്ടാണ് ലോക റാങ്കില്‍ ഒന്നാം സ്ഥാനത്തേക്ക് ഇന്ത്യന്‍ ടീം എത്തിയതെന്ന് ശാസ്ത്രി പറഞ്ഞു. 'നേരായ വഴിയിലൂടെയാണ് നമ്മുടെ കളിക്കാര്‍ ഈ നേട്ടത്തിലേക്ക് എത്തിയത്.
എന്നാല്‍ മുന്നിലേക്ക് എത്തുന്നതിനായി എല്ലാ പ്രതിബന്ധങ്ങളും ടീം മറികടന്നു. എന്റെ കുട്ടികള്‍ ദുഷ്കരമായ ഘട്ടങ്ങളില്‍ പിടിമുറുക്കി നിന്ന് കളിച്ചു. ഈ ടീമിനെയോര്‍ത്ത് ഞാൻ വളരെയധികം അഭിമാനിക്കുന്നു'.
അതേസമയം, ലോക ടെസ്റ്റ് ചാമ്പ്യന്‍ഷിപ്പ് ഫൈനലിനുള്ള തയ്യാറെടുപ്പിലാണ് ടീം ഇന്ത്യയെന്നും രവി ശാസ്ത്രി ട്വിറ്ററില്‍ കുറിച്ചു. ജൂണ്‍ 18ന് സതാംപ്ടണില്‍ നടക്കുന്ന ഫൈനലില്‍ ഇന്ത്യയും ന്യൂസിലാന്‍ഡും ഏറ്റുമുട്ടുന്നതു കാണാനുള്ള ആകാംക്ഷയിലാണ് ക്രിക്കറ്റ് ലോകം.
https://www.facebook.com/Malayalivartha
